fbpx

Pranon fenë Islame pas sulmit të Breivik

Morten Abrahamsen, i shpëtuar nga sulmi i organizuar në vitin 2011 në Norvegji nga Anders Behring Breivik,  ka pranuar fenë islame duke marrë emrin “Ibrahim”. 22-vjeçari Ibrahim flet për herë të parë pas ngjarjes së llahtarshme ku ndërruan jetë 69 persona duke  pohuar se më parë kishte qenë një i ri i alkoolizuar. Pas kësaj ngjarjeje ai ka bërë kërkime rreth feve të ndryshme dhe ka  arritur në konkluzionin se Islami është feja më e përshtatshme për të.

Ibrahim pohoi se tashmë ai frekuenton rregullisht xhaminë, lexon përkthimin e Kuranit dhe kryen  të gjitha adhurimet. “Sulmi  makabër i Breivek në të vërtetë ka treguar se sa i fuqishëm është Krijuesi. “Zgjedhja e Islamit pas sulmit është një ironi pozitive”, pohon Ibrahim duke theksuar se Breivik me anë të sulmit pati si qëllim prishjen e imazhit të Islamit në Europa, por sulmi i tij, duket se pati reagim të kundërt.

Gjatë kohës së sulmit Ibrahim tregon se ka qenë nën shoqërinë e një vajzeje myslimanë nga Kenia dhe të tre shokëve të tjerë, të cilët ishin fshehur. Ibrahim shpreh prekjen e tij nga fjalët e vajzës myslimanë e cila i kishte nxitur shokët të luteshin së bashku. Shqiptimi i fjalëve “Allahu Ekber” nga goja e vajzës myslimane e kishte bërë Ibrahimin të ndjehej ndryshe. “Ndjeva fuqinë, forcën  në lutjen e bërë, drejtuar Krijuesit gjatë momentit të sulmit, të  nxitur nga  shoqja ime myslimane”, shprehet Ibrahim, duke pohuar se deri atëherë e kishte parë me dyshim çështjen e fesë. “Pas sulmit kam kërkuar shpesh përgjigjen e pyetjes: Pse shpëtova, ndërkohë që shokët tanë disa metra larg nesh u vranë?”

Gjatë intervistës së tij ai nuk lë pa kujtuar dhe ajetin kuranor ku thuhet “Ai i cili vret një njeri të pafajshëm ka vrarë të gjithë njerëzimin”.

I njohur si  një i djathtë i tepruar Breivik më 22 Korrik të  2011 ka organizuar një atentat me bombë në Oslo ku humbën jetën 8 persona. Më pas i veshur si një polic ka masakruar 69 të rinj të cilët merrnin pjesë në një kamp veror në ishullin Utoja. Në dëshminë e dhënë nga ai thuhet se masakrën e ka bërë për të mbrojtur Europën nga myslimanët dhe se kërkonte të zgjonte masat me anë të manifestimit të tij prej 1500 faqesh.

Tags

Lajme të ngjashme

Back to top button
Close