Mjalti, për një trajtim total të trupit

Mbase e keni vënë re që mjalti është një përbërës në shumë produkte bukurie, që nga kremrat e diellit deri te losionet e duarve.

Kjo ndodh pasi mjalti ka aftësinë të përthithi dhe të ruajë hidratimin, gjë që e mban lëkurën të butë dhe e bën të duket rrezellitëse, e freskët dhe e shtendosur, transmeton Telegrafi.

Mjalti gjithashtu është një pastrues shumë i mirë, pasi përthith papastërtitë nga poret e lëkurës. Mund të përzieni mjaltin me përbërës të tjerë natyralë si molla, tërshëra apo kastraveci për të bërë pastrues, tonik dhe scrub-e të mrekullueshëm .

Për një trajtim total të trupit, shtoni 1/4 e një filxhani me mjaltë në ujin e nxehtë të vaskës. Lëkura e thatë do shkëlqejë me kënaqësi. /Telegrafi/