fbpx

Strugë, Aksion në mbështetje të fëmijëve në nevojë

Sot , në ambientet e Sh.F ” Vëllezërit Milladinovci”, Shoqata Humanitare ” Kalliri i Mirësisë” zhvilloi një aktivitet me karakter humanitar.

Bëhet fjalë për një aksion në mbështetje të fëmijëve në nevojë në disa qendra , përkatësisht qytete.

Në prani të Kryetarit të Komunës së Strugës, Ziadin Selës, përfaqësuesi i kësaj shoqate, z. Haxhi Muhamed, i dorëzoi pakot e dedikuara për fëmijët në nevojë deri tek drejtorët e shkollave fillore.

“Ky aksion kushtuar fëmijëve do t’i ndihmojë sadopak që ata të ndihen njëlloj si të tjerët.
Falënderoj ” Kallirin e Mirësisë” , për këtë donacion në ndihmë të fëmijëve të Strugës, në emrin tim dhe në emrin e të gjithë qytetarëve të Komunës së Strugës”, deklaroi Sela.

” Fillimisht e përshëndes me shumë respekt edhe nder Kryetarin e Komunës së Strugës , Ziadin Selën për këtë bashkëpunim  dhe mendojmë se ky është vetëm një hap i vogël dhe modest. Në të ardhmen do të vazhdojmë bashkëpunimin në aspektet humanitare. Kjo është një fushatë për veshmbathje në mbarë botën e iniciuar nga Princi i Emirateve të Bashkuara Arabe, organizata ” Zilit” në bashkëpunim me ” Kallirin e Mirësisë”. Ne filluam nga Komuna e Kumanovës, Shkupit , Gostivarit , Kërçovës dhe po përfundon me z. Ziadin Sela në Komunën e Strugës . Është siç e thashë ndoshta një donacion modest, por është një fillim i mbarë për bashkëpunimet në të ardhmen”, deklaroi Muhamed.

Pas përfundimit të shpërndarjes së të mirave materiale Kryetari i Komunës së Strugës e priti përfaqësuesin e ” Kallirit të Mirësisë” në ambientet e Komunës së Strugës për bashkërendimin e aktiviteteve humanitare në të ardhmen .

Aksion në mbështetje të fëmijëve në nevojë
Aksion në mbështetje të fëmijëve në nevojë
Aksion në mbështetje të fëmijëve në nevojë
Aksion në mbështetje të fëmijëve në nevojë
Aksion në mbështetje të fëmijëve në nevojë
Aksion në mbështetje të fëmijëve në nevojë

Lajme të ngjashme

Back to top button
Close