LSDM dhe VMRO-DPMNE me akuza të ndërsjella për kolapsin në transportin publik në Shkup

Akuza të reja reciproke nga dy partitë më të mëdha politike në vend, se cila është fajtore për kolapsin në transportin publik në Shkup dhe protestën e autobusëve privatë që filloi mëngjesin e sotëm me bllokimin e udhëkryqit pranë Qendrës Tregtare “Mavrovka”, transmeton Portalb.mk.

Gjendja aktuale e transportit publik në kryeqytet, sipas LSDM-së, është rezultat i papërgjegjshmërisë së VMRO-DPMNE-së dhe premtimeve të rrejshme të kryetares Danela Arsovska, e cila siç thonë ata i fitoi zgjedhjet lokale të vitit të kaluar pikërisht me premtimet e Transporti publik.

“Autobusët privatë nuk lëvizin për shkak të borxheve milionëshe të papaguara nga Qyteti i Shkupit. Përderisa transporti publik është në kaos, autobusët e rinj të premtuar nga VMRO-DPMNE dhe Arsovska nuk gjenden askund, e as fabrika e autobusëve elektrikë që e paralajmëroi kryetari dinak Mickoski. Arsovska i fitoi zgjedhjet lokale vitin e kaluar pikërisht me premtimet për transport publik. Premtonte transport të shpejtë, efikas dhe falas me autobus për të gjithë qytetarët”, thuhet në njoftimin e LSDM-së.

Në vend të realizimit të premtimeve, thonë nga partia, VMRO-DPMNE dhe Arsovska bënë katastrofë në qytetin e Shkupit.

Nga ana tjetër, VMRO-DPMNE akuzon LSDM-në dhe kryetaren Arsovska se po bëjnë politikë nga kaosi në Shkup dhe u bëri thirrje që të paguajnë borxhet e papaguara ndaj kompanive private.

“Sa i përket politikës që po bën LSDM nga gjithë ky rast, do të ishte mirë të thonë se çfarë kërkoi Arsovska në një takim sekret me Kovaçevskin në Qeveri javën e kaluar? Pse heshtin për temat e bisedës dhe koalicionin e tyre gjysmë sekret?”, thonë nga VMRO-DPMNE.

Mëngjesin e sotëm me rreth 30 autobusë kompantië private të autobusëve kanë bllokuar kryqëzimin pranë Qendrës Tregtare “Mavrovka” për shkak të, siçt thonë ata, borxhit të papaguar që Ndërmarrja e Transportit Publik (NTP) “Shkup”.

Nga “Sloboda prevoz” njoftuan se nëse kërkesat e tyre nuk zgjidhen shpejt në ditët në vijim, bllokada do të shtrihet edhe në pjesët tjera të rrugëve në Shkup.

Lajme të ngjashme

Leave a Reply

Your email address will not be published. Required fields are marked *

Back to top button