Te “Festivali në rrota” në Maqedoninë e Veriut do të shfaqen katër filma

Filma të ndryshëm evropian do të shfaqen sot dhe nesër në Shkup, ndërsa onlajn do të jenë deri më 27 nëntor, si pjesë e “Festivalit në rrota”, transmeton Portalb.mk.

“Në suaza të festivalit të nëntë “Festival në rrota”, filmat evropianë do të shfaqen falas sot dhe nesër në Kinotekën e Maqedonisë së Veriut dhe online, përmes platformës speciale të festivalit në Cinesquare.net”, bëjnë të ditur nga Ministria e Kulturës.

Në këtë edicion do të jenë katër filma, “Mare” dhe “Security” nga Zvicra, “Djali prej qelqi” nga Italia dhe “Djali i hapësirës” nga Belgjika.