Për një muaj në Maqedoninë e Veriut janë shpërndarë 277 leje ndërtimi, më së shumti në Tetovë
Në Maqedoninë e Veriut në muajin shtator janë dhënë 277 leje ndërtimi për ndërtimin e objekteve në vlerë prej 4 643 053 000 denarëve, transmeton Portalb.mk.
“Gjatë muajit shtator të vitit 2022 janë dhënë 277 leje ndërtimi, që është për 12.9 % më pak se në muajin e njejtë të vitit paraprak”, raportoi Enti Shtetëror i Statistikave, duke sqaruar që ndërkohë është rritur vlera e paraparë e objekteve për 21.1 % në krahasim me periudhën e njëjtë të vitit të kaluar.
Raportohet që rreth gjysma e lejeve janë për objekte të larta ndërtimi, ndërsa më shumë se gjysma e investitorëve janë persona fizik.
“Në periudhën raportuese është paraparë ndërtimi i 427 banesave, me një sipërfaqe të përgjithshme prej 40 344 metra katror”, raportoi Enti.
Më së shumti leje janë dhënë në Tetovë (28), Kavadarci (20) dhe Gostivar (19).