Kasami: Kemi problem me një banor për hapjen e “Bllagoja Toskës”
"Bllagoja Toska", edhe pse Kasami deklarativisht "kishte zgjidhur" të gjitha kontestet pronësore, së fundmi demantoi të njëjtën
Bulevardi “Bllagoja Toska” u premtua se do të hapet në muajin shtator-tetor, por kjo nuk u bë gjatë kësaj periudhe. Punimet aty po zhvillohen, mirëpo duhet të rrënohet një shtëpi afër urës nën “Spitalin e Tetovës” që të bëhet lidhja e bulevardit. Për këtë, kryetari i Komunës së Tetovës, Bilall Kasami në paraqitjen e tij të fundit në Click Plus tha se kanë problem me një banor, pavarësisht se kohë më parë kishte deklaruar se të gjitha çështjet pronësore-juridike janë zgjidhur, shkruan Portalb.mk.
Kasami u shpreh se ky projekt nuk ka nisur të realizohet në kohën e tij por pyet se përse nuk u realizua para se ai të vinte në krye të komunës. Ai shprehet se kur diçka nuk bëhet kritikohet kryetari i komunës (në këtë rast ai), ndërsa kur diçka bëhet, sipas tij lavdërohet Qeveria.
“Edhe sot ne e kemi problemin me një banor, për të cilin ne punojmë ashtu si e kërkon ligji që ta vendosim aty ku duhet të jetë, t’i sigurojmë banesë apo shtëpi me mjetet të cilat i ka marrë nga eksproprijimi i tokës dhe të zhvendoset aty ku duhet konform ligjit. Unë nesër nëse nuk e vazhdoj këtë angazhim, Bllagoja Toska nuk hapet”, tha Kasami duke shtuar se bulevardi do të hapet, por pa definuar se kur, premtimi kohor paraprak u shkel.
Paraprakisht këto prona kishin probleme të natyrës pronësore-juridike, por që autoritetet komunale informuan se pronarët janë pajtuar me vlerat e eksproprijimit dhe problemi është zgjidhur. Megjithatë, deklarata e fundit e Kasamit tregon që kjo nuk është bërë.
Mbi këto toka, duhet të kalojë pjesa e bulevardit ku do të bëhet lidhja nga ura nën Spitalin e Tetovës me pjesën tjetër që të nxjerr te shkolla e mesme tekstile.
Pyetëm në Sektorin për veprimtari komunale se deri ku janë punët dhe kur pritet të hapet bulevardi konkretisht, por nga atje nuk u përgjigjën në pyetjet gazetareske.
Punimet për vazhdimin e bulevardit rifilluan me 16 maj 2022 nga Shkolla Tekstile “Goce Stojçevski”, për të përfunduar aty ku filloi udhëheqësia e kaluar gushtin e vitit 2021, tek ura nën spitalin e qytetit dhe që u la në gjysmë.
Investitor në këtë projekt është Qeveria e RMV-së, ndërsa financohet nga TAV. Punimet në këtë Bulevard i realizon Kompania NB, kurse Komuna e Tetovës është organ mbikëqyrës.
Premtimet për përfundimin e këtij bulevardi datojnë gati se para një dekade, i njëjti çdo herë premtohet para zgjedhjeve, ai është edhe pjesë e Programit Zgjedhor 2021-2025 për Tetovën të kryetarit aktual të Komunës së Tetovës.
- LEXO: Shtëpitë nuk janë prishur, Komuna s’tregon çfarë ndodh me “Bllagoja Toskën” që duhet të mbarojë në tetor (Video)
- LEXO: Nuk dihet nëse bulevardi “Bllagoja Toska” do jetë gati në vjeshtë, Komuna e Tetovës hesht (VIDEO)
- LEXO: Bulevardi “Bllagoja Toska”, Kasami: Nuk janë ndërprerë punimet, kanë dalë disa probleme të paparashikuara
- LEXO: Kasami: Në vjeshtë përfundon bulevardi “Bllagoja Toska” (VIDEO)
- LEXO: Rifilluan punimet për vazhdimin e bulevardit “Bllagoja Toska” në Tetovë, këtë herë prej te shkolla tekstile (VIDEO)
- LEXO: Komuna e Tetovës: Të hënën fillojnë punimet për hapjen e bulevardit “Bllagoja Toska”
- LEXO: Punimet në bulevardin “Bllagoja Toska” do të rifillojnë javën e ardhshme, paralajmëroi Kasami
- LEXO: Pritjes për “Bllagoja Toskën” po i vjen fundi sipas komunës, nuk tregojnë kur konkretisht do fillojnë punët (FOTO)
- LEXO: Për dhjetë ditë zgjidhet problemi i pronave që pengojnë vazhdimin e “Bllagoja Toskës”, premtoi Kasami
- LEXO: Tetovë, “Bllagoja Toska”, tri prona pengojnë procesin, Kasami: Me përmirësimin e motit fillon puna
- LEXO: “Bllagoja Toska”, nuk mund të vazhdojnë punimet sepse ka konteste pronësore-juridike
- LEXO: Vazhdimi i bulevardit “Bllagoja Toska” u fillua gjatë fushatës parazgjedhore, sot është shndërruar sërish në parking
- LEXO: Tetovë, “Bllagoja Toska”, bulevardi që ‘pret’ për afër një dekadë, filloi të ndërtohet në prag të zgjedhjeve lokale (VIDEO)