Kryqi i Kuq i Maqedonisë dërgoi 778.5 ton ndihmë në Serbi dhe Bosnje

Në kuadër të aksionit për grumbullimin dhe dërgimin e ndihmave humanitare për të prekurit në katastrofën në Serbi dhe Bosnje e Hercegovinë, Kryqi i Kuq i Maqedonisë nga 19 Maji deri më 4 qershor ka dërguar gjithsej 40 furgona me 778.582 kilogram ndihma humanitare, vlera e të cilave kap 293.279 euro.

Ndihma humanitare, e cila ka arritur nga qytetarët e Maqedonisë nga institucionet dhe kompani të ndryshme përmbante, produkte ushqimore, mjete higjienike, veshmbathje etj, njoftojnë nga Kryqi i Kuq i Maqedonisë.

Nëpërmjet thirrjeve special për donacion në tre telefonat mobil janë grumbulluar gjithsej 10.259.755 denarë apo 166.825 euro. Ndërkaq në xhirollogari janë grumbulluar 7.530.179 denarë apo 122.440 euro.