Pasi u përfshi nga zjarri u shemb kupola gjigante e xhamisë së Xhakartës në Indonezi
Kupola gjigante e Xhamisë Jami në Xhakartën Veriore, Indonezi, mori flakë dhe u shemb të mërkurën gjatë punimeve të rinovimit. Një shtëllungë e madhe tymi u pa që dilte nga vend-zjarri, transmeton Portalb.mk.
Xhamia është e vendosur në kompleksin e ndërtesave që i përket Qendrës Islamike të Xhakartës, një institut për studime dhe zhvillim islamik.
Pamjet e incidentit tregojnë pikën kur kupola gjigante u shemb pasi u përfshi nga flakët.
Video footage captures moment a mosque in Indonesia collapsed after being engulfed by a huge fire, which authorities say happened while workers were carrying out renovations ⤵️ pic.twitter.com/OxwLZOQi84
— Al Jazeera English (@AJEnglish) October 20, 2022
Zjarrfikësit u alarmuan për zjarrin pak pas orës 15:00 me orën lokale, me të paktën dhjetë makina zjarrfikëse që u dërguan në vendngjarje, raportuan mediat indoneziane.
Policia tha se kishte shoqëruar katër punonjës për të marrë në pyetje.
“Kemi bërë evakuimin e njerëzve nga xhamia. Falë Zotit nuk kishte viktima nga ky incident,” tha kreu vendor i policisë Wibowo për gazetarët.
