Moti sot në RMV, pason ditë me diell dhe e ngrohtë

Moti sot do të jetë me diell dhe relativisht i ngrohtë me erë të dobët nga veriu. Temperatura minimale do të jetë në intervalin prej -1 deri në 8, ndërsa ajo maksimale do të arrijë deri në 24 gradë, informoi Drejtoria për Punë Hidrometeorologjike, transmeton Portalb.mk.

Në Shkup do të mbajë mot me diell dhe relativisht i ngrohtë me erë të dobët të ndryshueshme. Temperatura minimale do të zbresë deri në 5, ndërsa ajo maksimale do të arrijë deri në 22 gradë.

Në ditët në vijim do të mbizotërojë mot me diell me mëngjese të ftohta dhe relativisht ngrohtë gjatë ditës. Temperatura e mëngjesit do të bjerë nën zero. Të enjten do të fryjë erë e fortë nga veriu, ndërsa temperatura ditore do të jetë në rënie.