Qeveria solli Vendim për hyrje dhe qëndrim të forcave të armatosura të SHBA-së në territorin e RMV-së

Në seancën e 89-të, Qeveria solli Vendim për hyrje dhe qëndrim të forcave të armatosura të huaja në territorin e Republikës së Maqedonisë së Veriut, me propozim të Ministrisë së Mbrojtjes, njofton Portalb.

Kjo është me qëllim të realizimit të stërvitjes në mbështetje të afërt ajrore me aviacionet e forcave të armatosura të SHBA-së në Poligonin e Armatës “Krivollak”.

“Stërvitja, e cila është paraparë që të realizohet më 15, 19 dhe 21 tetor 2022 në Poligonin e Armatës ‘Krivollak’, është në organizim të forcave të armatosura të Shteteve të Bashkuara të Amerikës dhe ka për qëllim rritje të interoperabilitetit midis NATO-s dhe Republikës së Maqedonisë së Veriut”, njoftuan nga Qeveria.