Komisioni Evropian propozoi pezullimin e fondeve të rimëkëmbjes për Hungarinë
Komisioni Evropian do të propozojë pezullimin e një pjese të madhe të 5.8 miliardë eurove të financimit të caktuar për Hungarinë nga fondi i rimëkëmbjes së bllokut, raporton Reuters duke cituar zyrtarë të njohur me procesin, transmeton Euractiv.
Në korrik, komisioneri për buxhetin Johannes Hahn propozoi që rreth 70% e financimit të BE-së të parashikuar për Hungarinë të pezullohej, duke përmendur “parregullsi sistematike” dhe “konflikte interesi” me prokurimin publik në vend.
Ekzekutivi i BE-së gjykon se këto përbëjnë shkelje të parimeve të sundimit të ligjit.
Më 21 gusht, qeveria e Orbanit paraqiti “masa korrigjuese” për të trajtuar korrupsionin në prokurimet publike dhe ka përcaktuar plane për të krijuar një autoritet kundër korrupsionit.
Këto masa janë vendosur të konsiderohen si të pamjaftueshme, megjithëse ato ofrojnë hapësirë për ekzekutivin e BE-së për t’i zgjatur dorën qeverisë së Budapestit nëse ajo zbaton reforma të mëtejshme dhe garanci për të trajtuar ryshfetin. Vendimi është caktuar të merret të dielën (18 shtator).
Pas rekomandimit të Komisionit, qeveritë e BE-së do të kenë një muaj kohë për të vendosur, me opsionin e zgjatjes së afatit kohor me një maksimum prej dy muajsh.
Të enjten, eurodeputetët pritet të mbështesin një rezolutë ku thuhet se Hungaria nuk mund të konsiderohet më një demokraci e plotë dhe është bërë një ‘autokraci zgjedhore’ sepse demokracia dhe të drejtat themelore në vend janë përkeqësuar që nga hapja e procedurës së Nenit 7 kundër Hungarisë në vitin 2018. .
