Bullgaria sërish do të solidarizohet me Maqedoninë vëllazërore, deklaroi Radev në takim me Kovaçevskin
Bullgaria sërish do të jetë solidare me “Maqedoninë vëllazërore”, deklaroi presidenti i Bullgarisë, Rumen Radev para delegacionit nga Republika e Maqedonisë së Veriut, i kryesuar nga kryeministri Dimitar Kovaçevski, lajmëroi korrespondenti i MIA-s nga Sofja.
Radev tha se “edhe përkundër pasioneve politike ndaj të cilave jemi dëshmitarë në disa muajt e fundit, marrëdhëniet mes dy vendeve tona shtrihen në bazë të fuqishme, e cila është jashtë çdo konjukture politike”.
“Ajo është baza e vendimeve të Bullgarisë për mbështetje pa rezervë për Maqedoninë nga njohja e shtetësisë dhe pavarësisë së vendit, përmes insistimit të kontigjentit preventiv të KB-së gjatë shpërbërjes së ish-Jugosllavisë, përmes sigurimit të ndihmës gjatë embargos, përmes dhënies së ndihmës ushtarako-teknike, në rast të katastrofave dhe fatkeqësive natyrore”, deklaroi presidenti i Bullgarisë, Rumen Radev.
Ndryshe, pas 17 vitesh Maqedonia e Veriut më 19 korrik të këtij viti filloi negociatat me BE-në me mbajtjen e konferencës ndërqeveritare.
Propozimi francez për zgjidhjen e ngërçit Bullgari-Maqedoni e Veriut dhe hapjen e negociatave eurointegruese, në vend mbërriti më 30 qershor.
Menjëherë pas miratimit të propozimit francez në Parlamentin e Maqedonisë së Veriut, më 19 korrik u zhvillua konferenca e parë ndërqeveritare midis Maqedonisë së Veriut dhe Shqipërisë me Bashkimin Evropian. Negociatat nuk do të fillojnë derisa të bëhen ndryshimet kushtetuese nga pala e Maqedonisë, të cilat për votim në Kuvend kërkojnë dy të tretat e deputetëve, të cilat shumica nuk i ka, prandaj duhet mbështetje nga opozita maqedonase, e cila ka paralajmëruar se nuk do të votojmë për ndryshimin e Kushtetutës, madje duke e kundërshtuar atë me protesta.
Kujtojmë se para heqjes së vetos, hapja e negociatave me Bashkimin Evropian për Maqedoninë e Veriut bllokohej vazhdimisht nga Bullgaria. Sofja zyrtare kërkonte që Shkupi t’i pranojë kërkesat bullgare se gjuha maqedonase është normë e asaj bullgare dhe se kombi maqedonas është krijuar nga Josip Broz Tito. Ky kontest bllokoi për dy vite procesin eurointegrues të vendit, me çka Bullgaria gjatë vitit 2021 i vendosi dy herë veto Maqedonisë së Veriut, njëherë në qershor, kurse më pas, më 14 dhjetor të vitit 2021, edhe një herë e bllokoi fillimin e negociatave RMV-BE.
- LEXO: Ambasadori bullgar në SHBA: Pasi të zgjidhet çështja historike, problemi i gjuhës nuk do të mund të prishë marrëdhëniet Bullgari-RMV
- LEXO: Mihael Roth në Shkup: Shpresoj të ketë kushte për ndryshime kushtetuese në parlament që të përshpejtohen negociatat
- LEXO: Ndryshimet kushtetuese mbajnë peng skenën politike në Maqedoninë e Veriut
- LEXO: Scholz pro anëtarësimit të shpejtë të vendeve të Ballkanit Perëndimor në Bashkimin Evropian
- LEXO: Osmani: Koha do të tregojë se miratuam vendim të mirë me pranimin e propozimit francez
