RMV, inspektorët e mjedisit janë duke u zhvendosur jashtë vendit, drejtori Stojkovski kërkon miratimin për punësim të ri

Inspektorati Shtetëror i Mjedisit ka vetëm 21 inspektorë, megjithëse sipas sistematizimit duhet të jenë 53 punonjës. Kjo është një nga arsyet që në gjashtëmujorin e parë të vitit, inspektimet e rregullta janë reduktuar për 47, krahasuar me gjashtëmujorin e kaluar, shkruan Meta.mk, transmeton Portalb.mk.

Deri në fund të vitit, Inspektorati duhet të punësojë tre inspektorë të rinj, dy për ujin dhe një për natyrën, të cilët tashmë janë miratuar me planin vjetor të punësimit përmes Ministrisë së Financave.

Megjithatë, kjo nuk do të përmirësojë shumë imazhin e institucionit sepse tashmë këtë vit një punonjës në administratë ka dalë në pension, një inspektor ka shkuar jashtë vendit dhe një është larguar nga puna.

“Një inspektor dha dorëheqjen dhe u transferua në Gjermani. Pesë janë dy vjet larg daljes në pension. Në administratë na kanë mbetur vetëm dy punonjës. Për momentin kemi 24 të punësuar dhe duhet të kemi 53, pra kapaciteti ynë është vetëm 45 për qind i plotësuar”, tha drejtori Sreten Stojkovski.

Institucioni do të kërkojë punësime të reja edhe për vitin e ardhshëm, ndërsa Stojkovski thotë se plani vjetor tashmë është gati dhe do të dërgohet për miratim në Ministrinë e Financave.

Ata do të kërkojnë fonde edhe për dy fuoristradë pasi nuk kanë asnjë. Për këtë arsye, kontrollet në zonat e paqasshme duhet t’u njoftohen kompanive për t’u pajisur me automjet, kështu që inspektimi nuk e përmbush qëllimin e tij. Inspektorati nuk ka as ambientet e tij, pasi të vjetrat janë djegur, arkivi dhe një numër i madh objektesh.

“Për vitin që vjen kërkojmë katër punësime të reja, na mungojnë inspektorët e mjedisit. Shpresojmë se do të na miratojnë”, thotë Stojkovski.

Ai tregoi se përkundër mungesës serioze të stafit, po bëhen përpjekje që vizitat në terren të bëhen rregullisht. Në gjashtë muajt e parë, Inspektorati planifikoi 865 inspektime, nga të cilat 739 kontrolle të rregullta, 12 inspektime të jashtëzakonshme dhe 114 kontrolle. Janë kryer 1057 kontrolle, nga të cilat 692 të rregullta, 185 të jashtëzakonshme dhe 180 kontrolle. Nëpërmjet tyre janë konstatuar 233 parregullsi, për të cilat janë nxjerrë 212 vendime që urdhërojnë ose ndalojnë veprimtari të caktuara. Në gjashtëmujorin e parë janë marrë 66 ankesa nga qytetarët, nga të cilat vetëm 19 kanë të bëjnë me inspektorët e Inspektoratit Shtetëror të Mjedisit Jetësor.

“Në këtë gjashtëmujor, inspektorët kanë arritur në 15 vendbanime, kanë shqiptuar tetë urdhërpagesa, 12 kundërvajtje dhe një procedurë penale”, tha Stojkovski.

Ndryshe, ai njoftoi se për këto masa në buxhetin e Ministrisë së Mjedisit kanë hyrë mbi 170 mijë euro.