E kthejmë atë që është e jona, tha Zelensky pasi Ukraina filloi ofanzivë në jug të vendit

Presidenti ukrainas Volodymyr Zelensky u ka thënë trupave ruse të largohen pasi forcat ukrainase nisën një kundërofensivë pranë qytetit Kherson. Ofensiva e Ukrainës në jug të vendit pason një ndalesë disajavore të luftës, transmeton Portalb.mk.

“Trupat ukrainase do të ndjekin ushtarët rusë deri në kufi. Nëse duan të mbijetojnë, më mirë të vrapojnë. Shko në shtëpi. Ukraina po merr atë që është e saj,” tha Zelensky në fjalimin e tij të rregullt të natës.

Këshilltari i tij, Oleksiy Arrestoviç, tha se mbrojtja ruse pranë Khersonit u thye vetëm pas disa orësh.

“Forcat ukrainase po bombardojnë tragetet që Rusia përdor për të furnizuar territorin e pushtuar në bregun perëndimor të Dnieper,” tha Orestovych.

Ministria e Mbrojtjes e Britanisë tha se ushtria ukrainase ka shtuar zjarrin e artilerisë në jug dhe po ndërpret furnizimet ruse me sulme precize me rreze të gjatë.

Mediat shtetërore ukrainase raportuan shpërthime dhe të shtëna në rajonin Kherson dhe Shtabi i përgjithshëm i ushtrisë ukrainase konfirmoi se kishte përleshje në pjesë të ndryshme të vendit, por nuk dha detaje.

Ministria ruse e Mbrojtjes tha se trupat ukrainase tentuan një ofensivë në rajonet Kherson dhe Mykolaiv, por pësuan humbje të konsiderueshme.