fbpx

Mali i Zi raportoi sulm masiv kibernetik rus kundër qeverisë

Agjencia e sigurisë e Malit të Zi paralajmëroi të premten se hakerat nga Rusia kanë nisur një sulm masiv kibernetik të koordinuar kundër qeverisë së vendit të vogël dhe shërbimeve të saj, shkruan The Geopost, transmeton Portalb.mk.

Agjencia për Sigurinë Kombëtare, ose ANB, tha se Mali i Zi është “nën një luftë hibride për momentin”.

Mali i Zi, i konsideruar dikur një aleat i fortë rus, në vitin 2017 u bashkua me NATO-n, pavarësisht kundërshtimit të fortë nga Moska.

Mali i Zi gjithashtu i është bashkuar sanksioneve perëndimore kundër Rusisë për pushtimin e saj në Ukrainë.

Përveç shumicës së vendeve evropiane, Rusia e ka shtuar Malin e Zi në listën e saj të “shteteve armike” për veprim kundër interesave të Kremlinit.

Qeveria malazeze në fillim të kësaj jave raportoi për herë të parë në serinë e sulmeve kibernetike në serverët e saj, por tha se arriti të parandalonte çdo dëmtim. Megjithatë, sulmi duket se është në vazhdim.

“Shërbimet e koordinuara ruse qëndrojnë pas sulmit kibernetik. Ky lloj sulmi është kryer për herë të parë në Mal të Zi dhe ka qenë i përgatitur për një periudhë të gjatë kohore”, tha ANB në një deklaratë. “

Dushan Poloviq, një zyrtar qeveritar, tha: “Mund të them me siguri se ky sulm që Mali i Zi po përjeton këto ditë vjen drejtpërdrejt nga Rusia”.

Ambasada e SHBA-së në Mal të Zi paralajmëroi qytetarët e saj në shtetin ballkanik që të jenë të vetëdijshëm për një “sulm kibernetik të vazhdueshëm dhe që është në proces”.

“Sulmi mund të përfshijë ndërprerje në sektorin e shërbimeve publike, transportit (përfshirë pikat kufitare dhe aeroportin) dhe sektorët e telekomunikacionit,” tha ambasada.

Lajme të ngjashme

Leave a Reply

Your email address will not be published. Required fields are marked *

Back to top button