Në Maqedoninë e Veriut si në 50 vende të botës u këndua himni i Ukrainës në të njëjtën kohë
Himni i Ukrainës është kënduar njëkohësisht në 50 vende, ndërsa të cilët edhe në Maqedoninë e Veriut për nder të Ditës së Pavarësisë së Ukrainës, transmeton Portalb.mk.
Në Sheshin “Maqedonia” në Shkup, sot është shënuar Dita e Pavarësisë së Ukrainës, ku ambasadorët e huaj i kanë dhënë mbështetje Ukrainës e cila tashmë gjashtë muaj gjendet e sulmuar nga Rusia.
Pjesë e programit ishte edhe thyerja e rekordit për intonimin e himnit nacional të Ukrainës njëkohësisht në 50 shtete.
Më 24 gusht të vitit 1991, Ukraina shpalli pavarësinë nga Bashkimi Sovjetik, ndërsa sivjet e shënon përvjetorin në kushte lufte.