Dy avionët amerikan B52 që lëvizën edhe mbi Shkupi, demonstruan aleancën e fortë të NATO-s

Në mesditë, në hapësirën e Shkupit kanë lëvizur dy avionë ushtarakë të tipit B52, avion që erdhën nga Kosova, ndërsa vazhduan pastaj për në Shqipëri, transmeton Portalb.mk.

Lëvizja e avionëve të Forcave ajrore amerikane në Evropë dhe Afrikë, sot në Maqedoninë e Veriut lëvizën rreth orës 14:30, ndërsa pas disa minutave, para orës 15:00 arritën në Shqipëri.

Nga Ministria e Mbrojtjes informuan se fluturimet e aeroplanëve do të demonstrojnë aleancën e fortë të NATO-s dhe përbëjnë garantues për të gjithë zonën euroatlantike, përfshirë Maqedoninë e Veriut. Nga atje theksojnë se Forca ajrore amerikane do të fluturojë për të treguar përkushtimin dhe garantimin e sigurisë ndaj aleatëve ballkanikë dhe partnerëve të NATO-s.

Ndryshe, Shtetet e Bashkuara do të zhvillojnë stërvitje të reja ushtarake me ushtrinë e Maqedonisë së Veriut. Ky njoftim është bërë i ditur, teksa ushtria maqedonase shënoi 30-vjetorin e themelimit, disa ditë më parë.

Sipas njohësve të çështjeve politike dhe ushtarake, ky hap flet qartë për përkushtimin e Uashingtonit për ruajtjen e stabilitetit në rajonin e Ballkanit Perëndimor.

Në një ndryshim në Ligjin e mbrojtjes kombëtare, Kongresi amerikan i kërkoi Pentagonit të propozojë më shumë stërvitje ushtarake me Maqedoninë e Veriut vitin e ardhshëm, sipas Projektligjit për buxhetin e mbrojtjes për vitin e ardhshëm fiskal.

Me këtë ligj federal, SHBA-ja përcakton buxhetin dhe shpenzimet vjetore të Pentagonit dhe këtë vit për herë të parë në të është përfshirë edhe Maqedonia e Veriut.

Lajme të ngjashme

Leave a Reply

Your email address will not be published. Required fields are marked *

Back to top button