“Higjiena komunale”-Shkup dënoi sulmin verbal ndaj gazetares së Metës, do të ketë përgjegjësi disiplinore

Pasi më 15 gusht në lagjen Kisella Vodë dy punonjës të Ndërmarrjes Publike “Higjiena Komunale”-Shkup sulmuan verbalisht gazetaren Ilinka Iljoska, e punësuar në agjencinë e lajmeve Meta, dhe tentuan ta ndalojnë atë në kryerjen e detyrës, sot u deklaruan nga kjo ndërmarrje publike.

“Dënojmë ashpër sulmin verbal ndaj gazetares së agjencisë së lajmeve “Meta” e cila po kryente detyrën. “Higjiena Komunale” Shkup do të iniciojë procedurë disiplinore të duhur ndaj punëtorëve”, thuhet në përgjigjen që Meta.mk e ka marrë nga kjo ndërmarrje publike.

Nga NP “Higjiena Komunale” shtojnë se inkurajojnë të gjitha mediat dhe opinionin publik që të ndjekin nga afër punën e “NP Higjiena Komunale”-Shkup dhe se mbeten të hapur dhe transparent për të gjitha çështjet.

Katër ditë më parë, kur ndodhi sulmi verbal, menjëherë reagoi Shoqata e Gazetarëve të Maqedonisë (ShGM). Përveç faktit se ShGM i ofroi ndihmë juridike gazetares Iljoska, kërkuan nga “Higjiena Komunale”-Shkup që të iniciojë procedurë disiplinore ndaj personave përgjegjës për sulmin verbal ndaj gazetares. Gjithashtu, nga ky institucion është kërkuar që të bëjë plan për aktivitete për edukimin e të punësuarve për tema me interes publik dhe në raport me qytetarët, sepse nuk është hera e parë që “Higjiena Komunale”-Shkup reagon në këtë mënyrë apo të ngjashme ndaj qytetarët.

Sulmi verbal është raportuar në polici dhe Njësiti për krime të dhunshme pritet ta dërgojë rastin në prokurorinë kompetente.

Reagon SHGM, u sulmua verbalisht gazetarja Ilinka Iljoska nga Meta deri sa po fotografonte plehrat e pa pastruara

Lajme të ngjashme

Leave a Reply

Your email address will not be published. Required fields are marked *

Back to top button