Petrovska paralajmëroi modernizim të armatës me helikopterë dhe automjete të blinduara

Ministrja e Mbrojtjes Slavjanka Petrovska paralajmëroi furnizim me helikopterë për armatën e Maqedonisë. Në intervistë për TV Sitel ajo informoi se, po punohet oër avion multifunksional me platformë perëndimore. Në atë drejtim tha se janë edhe planet për modernizim të armatës, por edhe plani afatgjatë për zhvillim të aftësive mbrojtëse, transmeton Portalb.mk.

“Në aspekt të furnizimit të sistemit për mbrojtje kundërajrore, marrëveshja veç më është finalizuar, unë në fillim të shtatorit do të shkojë në Paris në vizitë njëdiotre dhe ku së bashku me ministrin e Mbrojtjes së Francës, do të nënshkruajmë këtë marrëveshje. Marrëveshjet e tjera janë në fazë më të avancuar”,  theksoi Petrovska.

Ajo theksoi se me donacionin e tankeve në Ukrainë aspak nuk ka ndikuar ndaj gatishmërisë së armatës, sepse nuk kanë llogaritur fare në to.

“Bëhet fjalë për gjeneratën e tretë të pajisjes joprosperuese, e cila për kohë të shkurt do të duhej të shkatërrohej. Donacioni nuk ndikon në armatën tonë, ndërsa në procesin e qasjes drejt NATO-s, janë bërë plane të shumta në raport me atë se si duhet të jetë struktura e armatës tonë, por edhe për atë çfarë do të thotë gatishmëri luftarake e armatës tonë dhe çfarë lloj i armatimit ne duhet të posedojmë. Do të vëmë në dispozicion të armatës së Maqedonisë 33 automjete të reja të blinduara. Gjashtë prej tyrer veç më kanë arritur, ndërsa e presim dërgesën edhe të 27 të tjerave”, tha ministrja e Mbrojtes.

• LEXO: RMV, ministrja Petrovska ndau distinktivë të artë për 30 vjet shërbim aktiv në Armatë
• LEXO: 30 vjetori i Armatës së RMV-së, Petrovska: E shënojmë me ushtri që po modernizohet me shpejtësi dhe mbrojtje që po zhvillohet fuqishëm
• LEXO: Maqedonia e Veriut sipas fuqisë ushtarake ndodhet në vendin e 135 nga 142 shtete në botë