Ku dhe si do të kremtohet Ilindeni, festa fillon sonte

Edhe këtë vit qytetarët e Republikës së Maqedonisë së Veriut po e kremtojnë festën kombëtare Ilinden, duke i respektuar vlerat e përbashkëta ndërkulturore dhe duke festuar me krenari, dinjitet dhe unitet, njofton Qeveria e RMV-së, raporton Meta, përcjell Portalb.mk.

Kremtimi i ditës kur festojmë 119 vjet nga fillimi i kryengritjes së Ilindenit, shpalljes së Republikës së Krushevës dhe Ditës kur para 78 vitesh u mbajt kuvendi i parë i ASNOM-it dhe krijimit të shtetësisë sonë do të fillojë më 1 gusht në ora 20:45 në Krushevë, kur tradicionalisht, në organizim të Komunës së Krushevës, fillon manifestimi “Dhjetë ditët e Republikës së Krushevës”.

Në manifestimin, që i përfaqëson kulturën, traditën dhe historinë e Krushevës, para qytetarëve tanë do të marrë pjesë dhe do të mbajë fjalim Kryeministri i Qeverisë së Republikës së Maqedonisë së Veriut, Dimitar Kovaçevski, i cili këtë vit e kryeson delegacionin qeveritar në Krushevë.

Delegacionet e Qeverisë së Republikës së Maqedonisë së Veriut do të marrin pjesë në të gjitha manifestimet e parashikuara me programi shtetëror për shënimin e festës shtetërore 2 Gushti – Dita e Republikës – Ilinden: “Forca jonë për të ardhmen”.

Shënimi i Ditës së Republikës dhe Ilindenit më 2 gusht do të fillojë me ngjarjet në Shkup, ku delegacionet e larta do t’i udhëheqë e pastaj do t’iu drejtohet Presidenti i Republikës së Maqedonisë së Veriut, Stevo Pendarovski.

Në orën 08:00, delegacioni i kryesuar nga presidenti Pendarovski do të vendosë lule në varrezat e ish-presidentëve Kiro Gligorov dhe Boris Trajkovski dhe të gjeneralit Mihajllo Apostollski, si dhe para monumentit të luftëtarëve të rënë nga LNÇ në Avenynë e Kolosëve, tek varrezat e qytetit “Butel”.

Më pas delegacionet do të vendosin lule të freskëta në monumentin e ASNOM-it në parkun “Gruaja Luftëtare (Zhena Borec) në Shkup, te monumenti i Nikolla Karevit para Kuvendit, si dhe në memorialin e Metodija Andonov-Çentos në sheshin e qytetit.

Manifestimi solemn do të vazhdojë me fjalimin e kryetarit të shtetit Stevo Pendarovski në vilën Vodno në ora 9:00.

Delegacioni qeveritar në Shkup udhëhiqet nga nënkryetari i Qeverisë së Republikës së Maqedonisë së Veriut për çështje ekonomike, koordinim të departamenteve ekonomike dhe investimeve, Fatmir Bytyqi, së bashku me ministren e Mbrojtjes, Sllavjanka Petrovska dhe Ministrin për Shoqëri Informatike dhe Administratë, Admirim Aliti.

Në delegacionin qeveritar janë edhe Hristina Oxhaklieska, Zëvendësministre për Mjedis Jetësor dhe Planifikim Hapësinor, Bashkim Hasani, Zëvendësministër i Mbrojtjes dhe Robert Alagjozovski, Koordinator Nacional për Zhvillim të Kulturës dhe Bashkëpunim Ndër-sektorial.

Kryetari i Pendarovskit, me rastin e shënimit të Ilindenit – Ditës së Republikës, më 2 gusht 2022, do ta kryesojë delegacionin shtetëror-kishtar në vizitë të manastirit “Shën Prohor Pçinski”.

Programi i festës shtetërore vazhdon para Qendrës Përkujtimore ASNOM në Pelincë, organizuar nga Kryetari i Kuvendit të Republikës së Maqedonisë së Veriut, Talat Xhaferi.

Për nder të seancës së parë të Kuvendit Antifashist Nacionalçlirimtar të Maqedonisë – ASNOM, para përmendores së ASNOM-it, me fillim nga ora 10:00 do të vendosen lule të freskëta, pas së cilës do të flasë kryetari i Kuvendit, Talat Xhaferi, e më pas do të ketë një program të organizuar kulturor- artistik.

Te monumenti i ASNOM-it në Qendrën Përkujtimore Pelincë, me rastin e festës kombëtare të Ilindenit, delegacioni qeveritar do të përbëhet nga ministri i Shëndetësisë Bekim Sali, ministrja e Punës dhe Politikës Sociale, Jovana Trençevska dhe zëvendësministri i Drejtësisë Agim Nuhiu.

Kryeministri i qeverisë, Dimitar Kovaçevski, do ta kryesojë delegacionin e lartë qeveritar që me nderime shtetërore do ta shënojë festën e madhe kombëtare Ilinden në Krushevë.

Në delegacionin qeveritar të kryesuar nga kryeministri Kovaçevski janë zëvendëskryeministri i parë dhe Ministri për Sistem Politik dhe Marrëdhënie Ndërmjet Komuniteteve, Artan Grubi, Zëvendëskryeministrja Përgjegjëse për Politika të Qeverisjes së Mirë Sllavica Grkovska, Ministri i Punëve të Brendshme, Oliver Spasovski dhe Ministrja e Kulturës Bisera Kostadinovska-Stojçevska.

Delegacioni qeveritar do të përulet dhe do të shpreh respektin duke vendosur lule të freskëta në varrin e presidentit të parë të Republikës së Krushevës, Nikolla Karev në monumentin “Maqedonia” në Gumenje dhe monumentin e luftëtarëve të rënë në Slivë. simbol i sakrificës së kryengritësve për mbrojtjen e Republikës së Krushevës, duke filluar nga ora 08:30.

Nga ora 10:30 me përkujtimin e luftëtarëve të rënë për Ilindenin në kishën “Sht. Nikolla” nga delegacioni qeveritar dhe me vendosjen e luleve në monumentin Meçkin Kamen (Guri i Ariut), do të vazhdojë ceremonia për nder të festës kombëtare, pas së cilës në ora 11:30 do të fillojë manifestimi në Meçkin Kamen, ku fjalim solemn do të mbajë Kryeministri i Republikës së Maqedonisë së Veriut Dimitar Kovaçevski.

Në kuadër të programit shtetëror qendror për shënimin e 2 gushtit, në Krushevë do të mbahet program festiv kulturo-artistik.

Në programin ceremonial për shënimin e festës së Republikës këtë vit është përfshirë edhe festimi tradicional i Ilindenit në Smilevë, në organizim të Komunës së Demir Hisarit, ku do të vendosen lule dhe me manifestim folklorik.

Nga ora 09:00 delegacioni qeveritar, i kryesuar nga Ministri i Arsimit dhe Shkencës, Jeton Shaqiri, i shoqëruar nga Ministrja e Kulturës, Bisera Kostadinovska-Stojçevska dhe Zëvendësministri i Shëndetësisë, Vladimir Rendevski, do të nderojnë varrin e Dame Gruevit , monumentin e Smilevës të luftëtarëve të Ilindenit dhe pllakën përkujtimore të çetës partizane të Smilevës, e më pas do të jetë vizita e Muzeut Memorial, vendosja e luleve në monumentin e Dame Gruevit dhe në orën 10:00 në parkun përkujtimor “Dame Gruev” fillon festa tradicionale.

Nën patronazhin e Presidentit Stevo Pendarovski, në kuadër të kremtimit më 2 gusht, Nevena Nikolova Georgieva – Dunja do të nderohet, post mortem, me Urdhrin e Meritave Ushtarake, për guximin e saj të jashtëzakonshëm, sakrificën, vendosmërinë dhe për rolin udhëheqës në luftën antifashiste në lëvizjet punëtore dhe sindikaliste që janë angazhuar për drejtësi sociale, duke e paraqitur veprën e saj heroike dhe shëmbëlltyrën e saj të përkushtimit për qëllimin e përbashkët dhe luftës së përbashkët për një botë më të mirë dhe më të drejtë.

Me Medale për Trimëri do ta dekorohen: Nikolla Stojanovski, Jovan Veliçkovski, Trajanka Avramovska (post mortem), Ilija Dunovski, Nikolla Nikolloski, Cvetko Cvetkoski, Kadrija Xhaferi dhe Dafinka Bogoeva.

“Këta tetë persona shquhen për sakrificën, për luftën e tyre këmbëngulëse dhe për përkushtimin e tyre të përjetshëm drejt qëllimeve të larta të komunitetit, si dhe për kontributin e tyre të përgjithshëm në Luftën Nacionalçlirimtare, që shihet nga karakteristikat e tyre, si dhe përmes karakteristikave të një numri të madh brezash luftëtarësh, të cilët nuk i kurseu jetën për liri, vendosjen e udhëzimeve bazë për ndërtimin e shtetit”, theksuan nga Zyra e Presidentit.