Kosova nga një gushti do të kërkojë letërnjoftime të përkohshme për serbët

Nga e hëna (1 gusht), shtetasve serbë që udhëtojnë në Kosovë do t’u kërkohet të zëvendësojnë pasaportën e tyre me letërnjoftim të përkohshëm gjatë kohës së vizitës së tyre, një lëvizje reciprociteti kjo e shpallur nga kryeministri Abin Kurti, transmeton Portalb.mk.

Beogradi nuk e njeh Kosovën, e cila shpalli pavarësinë në vitin 2008 dhe u ka kërkuar qytetarëve të Kosovës që të sigurojnë letërnjoftim të përkohshëm për vizitën e tyre në Serbi.

Vendimi reciprok, i shpallur fillimisht në qershor, do të zbatohet për të gjitha pikat kufitare të serbëve në vend.

Sipas rregullave të reja, serbët që udhëtojnë në Kosovë do të marrin një letërnjoftim të përkohshëm, të vlefshëm për 90 ditë, që mund të përdoret në institucionet qeveritare.

Lajmi shkaktoi zemërim në Serbi, me presidentin Aleksandar Vuçiq që pretendonte se Kurti po përgatit sulm kundër serbëve në veri të Kosovës, pa ofruar asnjë provë.

Kosova veriore është e populluar nga serbë etnikë, të cilët deri në vitin 2013 refuzuan të pranojnë dhe njohin pavarësinë e Kosovës. Një marrëveshje e ndërmjetësuar nga BE-ja zyrtarisht i dha fund strukturave paralele në veri të Kosovës, por nuk u zbatua plotësisht.