Më pak se një përqind e energjisë elektrike në Maqedoninë e Veriut prodhohet nga panelet solare
Në Maqedoninë e Veriut në muajin maj janë harxhuar 544 181 MWh energji elektrike, ndërkohë energjia e përgjithshme neto është 383 553 MWh, derisa vetëm 0.8 përqind është prodhuar nga energjia diellore, transmeton Portalb.mk.
“Prodhimi i përgjithshëm bruto i energjisë elektrike: Termocentralet (63.5 %), Hidrocentralet (33.4 %), Turbinat e erës (1.3 %), Biogaz bimët (0.9 %), Panelet solare (0.8 %) dhe Termocentralet e kombinuara (0.1%)”, raportojnë nga Enti Shtetëror i Statistikave, duke theksuar që 97.5 përqind e qymyrit përdoret për prodhimin e energjisë elektrike.
Enti sqaroi që 75.5 përqind e harxhimit të brendshëm mbulohet nga prodhimi.
“Gjatë muajit maj të vitit 2022, harxhimi i përgjithshëm sipas llojeve të energjisë është 544 181 МWh energji elektrike, 3.801 mil. nm3 gaz natyror, 470 502 ton qymyr dhe 98 497 ton produkte të naftës”, raportoi Enti.