RMV, është arrestuar një person në Prilep, ka shkaktuar rrezik të përgjithshëm, duke e djegur automjetin e të birit

Nëpunës policorë nga SPB Manastir sot e kanë privuar nga liria G.K. (47) nga Prilepi, i cili ka shkaktuar rrezik të përgjithshëm, duke e djegur automobilin e të birit, njofton Portalb.

Sipas MPB-së, është vepruar pas denoncimit në orën 16:47, sipas të cilin, në rrugën “Mali Bistra” në Prilep ka shpërthyer zjarr në një automjet udhëtarësh “BMW” pa targa, pronë e M.K. (26) nga Prilepi dhe po ndërmerren masa dhe aktivitete.

Zjarri është shuar nga Njësiti territorial për kundërzjarrfikëse, është kryer hetim dhe është konstatuar se zjarrin në automjet e ka shkaktuar i arrestuari, i ati i personit të dëmtuar, pas grindjes paraprake mes tyre.

Pas dokumentimit të rastit kundër tij do të parashtrohet kallëzim për “shkaktim të rrezikut të përgjithshëm” sipas nenit 288 nga Kodi Penal.