SHBA dhe BE e përshëndetën miratimin e propozimit francez në Kuvend: Javën e ardhshme konferenca e parë ndërqeveritare

S. B. 15:13, 16-07-2022

BE dhe SHBA: Të gjithë liderët e Maqedonisë të angazhohen në mënyrë konstruktive

Vetëm dhjetëra minuta pas miratimit të propozimit francez në Kuvendin e Maqedonisë së Veriut, arritën përshëndetjet nga kreu i Bashkimit Evropian, Komisionit Evropian dhe Shteteve të Bashkuara të Amerikës, njofton Portalb.mk.

“Votimi i sotëm në Kuvendin e Maqedonisë së Veriut e hapë rrugën për mbajtjen e konferencës së parë ndërqeveritare javën e ardhshme. Ky është hap thelbësor i vendit dhe për BE-në. Ardhmëria jonë është e përbashkët dhe ju presim krahëhapur”, shkruajti në Tuiter, Charles Michel, kryetari i Këshillit të Evropës.

Today's vote in @SobranieRSM paves the way to holding intergovernmental conference with North Macedonia next week.

A crucial step for ?? and for ??

Our future is together and we welcome you with open arms.

— Charles Michel (@CharlesMichel) July 16, 2022

Me porosi të ngjashme doli edhe kryetarja e Komisionit Evropian, Ursula von der Leyen.

“Gëzuar deri te Maqedonia e Veriut për votimin me të cilin plotësohen kushtet për hapje të shpejtë të bisedimeve hyrëse. Kjo ishte mundësi historike dhe ju e shfrytëzuat”, theksoi Leyen.

?? Congratulations to North Macedonia on the vote that now paves the way for opening the accession negotiations rapidly.

It was a historic opportunity.

And you seized it.

A big step on your path towards a European future. Your future.

— Ursula von der Leyen (@vonderleyen) July 16, 2022

Eurokomesari për zgjerim porositi se të martën pritet të mbahet konferenca e parë ndërqeveritare.

“E përshëndes votimin pas disa ditëve diskutim në Kuvend me çka qeverisë i jepet mandat të pastër për fillimin e konferencës së parë ndërqeveritare të bazuar në propozimin francez. Gëzohemi në hapjen e bisedimeve hyrëse të martën, kur do të takohemi në Bruksel për konferencën e parë ndërqeveritare”, shkroi Oliver Varhej.

I welcome the result of today’s vote after last days of deliberate discussions in Parliament giving clear mandate for Gov’t to start 1st IGC based on FR proposal. We look forward to open accession negotiations w/ ??. #NorthMacedonia belongs to the ??

— Oliver Varhelyi (@OliverVarhelyi) July 16, 2022

Sekretari i shtetit, Antony Blinken, e përshëndeti vendimin e sotëm në Kuvendin e Parlamentit të Maqedonisë së Veriut. Ai nëpërmjet një letre thotë se i njeh këmbimet e rënda të cilat janë bërë me këtë kompromis, por i cili i njeh dhe respekton identitetin kulturor të Maqedonisë së Veriut dhe gjuhën maqedonase.

Ky vendim vjen në momente kritike për Maqedoninë e Veriut, Ballkanin Perëndimor dhe Evropës. Bashkimi Evropian e cila e përfshin tërë Ballkanin Perëndimor, përfshirë edhe Shqipërinë dhe Maqedoninë e Veriut, do të jetë më e fuqishme dhe më me prosperitet. Tani është koha të ndërtohet puls dhe të punohet në hapat e radhës”, deklaron Blinken.

The United States welcomes North Macedonia’s parliamentary vote to advance on its EU path, in line with the values and aspirations of its citizens. This is a critical moment for Europe. We support North Macedonia and Albania as they move forward in the EU accession process.

— Secretary Antony Blinken (@SecBlinken) July 16, 2022

LEXO: Kuvendi i RMV-së i tha “po” propozimit francez

Kuvendi i Maqedonisë së Veriut sot e ka miratuar informacioni për propozimin francez, pasi lista e deputetëve që morën fjalën u shterua. 68 deputetë votuan “për”, ndërkaq paraprakisht sallën e kanë lëshuar deputetë të koalicionit VMRO-DPMNE dhe deputetët e Levicës. Pas votimit deputetët e shumicës parlamentare me duartrokitje e përshëndetën miratimin e propozimit francez dhe valëvitën flamujt e RMV-së dhe BE-së.

Në sallën e Kuvendit në dy ditët e para atmosfera u përcoll me akuza nga të dy taborët. VMRO-DPMNE-ja opozitare dhe Levica kërkuan refuzim të këtij propozimi i cili, sipas tyre, çon drejt asimilimit të popullit maqedonas dhe shantazhe dhe pengesë shumëvjeçare e procesit eurointegrues nga ana e Bullgarisë. Për dallim nga ata, nga deputetët e partive qeveritare qetësonin se korniza negociuese ofron moscenim të integritetit territorial dhe gjuhës maqedonase dhe fillim të negociatave për anëtarësim të plotfuqishëm në BE.

Ndryshe, propozimi francez për zgjidhjen e ngërçit Bullgari-Maqedoni e Veriut dhe hapjen e negociatave eurointegruese, në vend mbërriti më 30 qershor, pas së cilës kryeministri Kovaçevski njoftoi proces të gjerë konsultimi me koalicionin qeveritar, presidentin e vendit, Parlamentin, opozitën, si dhe me sektorin civil, ekspertët dhe publikun e gjerë në vend.

Së fundmi në Bullgari, ra Qeveria e kryeministrit Kiril Petkovit, çka rëndoi edhe më tej krizën politike në Bullgari. Në Samitin e BE-së, Bullgaria nuk e kishte hequr veton, pasi parlamenti duhej të miratonte propozimin francez dhe për rrjedhojë edhe të hiqte veton. Por pas Samitit, gjegjësisht më 24 qershor të këtij viti propozimi i Macronit kaloi në Parlamentin bullgar, që nënkuptonte heqjen e vetos nga Bullgaria ndaj Maqedonisë së Veriut, por njëkohësisht edhe heqjen e pengesës për Shqipërinë për vijimin e mëtejshëm të procesit integrues në BE.

Kujtojmë se para heqjes së vetos, hapja e negociatave me Bashkimin Evropian për Maqedoninë e Veriut bllokohej vazhdimisht nga Bullgaria. Sofja zyrtare kërkonte që Shkupi t’i pranojë kërkesat bullgare se gjuha maqedonase është normë e asaj bullgare dhe se kombi maqedonas është krijuar nga Josip Broz Tito. Ky kontest bllokoi për dy vite procesin eurointegrues të vendit, me çka Bullgaria gjatë vitit 2021 i vendosi dy herë veto Maqedonisë së Veriut, njëherë në qershor, kurse më pas, më 14 dhjetor të vitit 2021, edhe një herë e bllokoi fillimin e negociatave RMV-BE.

Edhe në vitin 2020, njëjtë vendi fqinj, i vendosi dy here veto Maqedonisë së Veriut, një herë në këshillin e ministrave të Jashtëm të BE-së si dhe në Këshillin për Punë të Përgjithshme të BE-së, duke penguar në këtë mënyrë miratimin e kornizës negociuese për fillimin e negociatave të vendit me BE-në. Për zgjidhjen e kontesteve të historisë, komisioni maqedonaso – bullgar ka mbajtur takime, po nuk kanë arritur të gjejnë zgjidhje. Palët kanë mosmarrëveshje më së shumti rreth identitetit të figurave historike të Mbretit Samoil dhe Goce Delçevit.