Këshilltarët e Shkupit vendosën që nxënësit e shkollave të mesme të udhëtojnë pa pagesë gjatë pushimeve verore

Në këtë pushim veror, rreth 23.000 nxënës të shkollave të mesme do të mund të përdorin transportin publik në Shkup falas për të vijuar mësimet shtesë, mësimet praktike, si dhe për të vizituar aktivitete kulturore, sportive apo aktivitete të tjera, kështu vendosi Këshilli i Qytetit të Shkupit sot në seancën e 13-të, transmeton Portalb.mk.

“Në vitet e kaluara bileta falas u vlente nxënësve vetëm gjatë vitit shkollor, ndërsa për muajt e pushimit veror mund të merrnin biletë mujore me çmim prej 600 denarë për shfrytëzimin e të gjitha linjave, për një muaj, gjegjësisht për muajin korrik ose gusht. Me vendimin e sotëm të Këshilli i Qytetit të Shkupit do të mund të voziten falas. Transporti falas vlen për të gjithë nxënësit e arsimit të mesëm të obligueshëm në shkollat e mesme nën kompetencë të Qytetit të Shkupit, si dhe për ata që mësojnë në shkollat e mesme shtetërore”, njoftuan nga Qyteti i Shkupit.

Transporti falas, siç njoftojnë autoritetet e qytetit, vlen për të gjithë nxënësit e arsimit të mesëm të obligueshëm në shkollat ​​e mesme nën kompetencë të Qytetit të Shkupit, si dhe për ata që studiojnë në shkollat ​​e mesme publike.

Për këtë pikë të rendit të ditës votuan 35 këshilltarë, ndërsa nuk pati asnjë “kundër” apo abstenim.

“Unioni me kënaqësi vëren se grupet e këshilltarëve në Qytetin e Shkupit e dëgjuan thirrjen tonë për të mbështetur këtë vendim dhe që ai të merret me konsensus politik. Është bukur të shohësh një bashkim rreth interesave rinore dhe mirëqenies së gjimnazistëve. Premtimi i tretë i Unionit dalëngadalë po bëhet realitet”, njoftuan nga Unioni i Nxënësve të Shkollave të Mesme.

Ndërkaq, gjatë fushatës parazgjedhore për zgjedhjet lokale në fund të shtatorit të vitit të kaluar, kryetarja Danela Arsovska premtoi transport publik falas për të gjithë shkupjanët dhe ofertë të zgjedhur për banorët si alternativë ekologjike për veturat e tyre. Por pas fitores së saj në zgjedhje, ajo tha se “NQP është një humbës i rëndë” dhe se projekti për transport publik falas do të realizohet në një periudhë dyvjeçare.