RMV, çmimet e ushqimit do vazhdojnë të rriten

Çmimet e ushqimeve do të rriten edhe gjatë këtij muaji si në qershor. Norma e inflacionit prej 14.5 për qind për muajin qershor krahasuar me të njëjtën periudhë të vitit të kaluar është e pritur duke pas parasysh zhvillimet në Ukrainë, por edhe për shkak të ndërprerjes së masave të qeverisë që zbutën goditjet e çmimeve, thonë nga Qendra për Analiza Ekonomike, transmeton Alsat M.

Stabilizim i mundshëm i çmimeve pritet në gusht, por është thuajse e pamundur të parashikohet me saktësi duke pasur parasysh pasigurinë.

“Edhe pse Qeveria pranoi disa nga rekomandimet që të ketë masa me synime të caktuara, megjithatë këto masa  nuk janë projektuar dhe si rrjedhojë as nuk janë zbatuar. Në muajin korrik do të vazhdojmë të presim norma të ngjashme të inflacionit, veçanërisht për shkak të rritjes së çmimit të energjisë elektrike për amvisëritë, ndërsa në muajin gusht mund të presim një stabilizim të caktuar të çmimeve, kryesisht për shkak të bazës së lartë fillestare nga viti i kaluar”, tha Bllagica Petreski, Qendra për Analiza Ekonomike – Finance Think.

Petreski thekson se nuk duhet pritur miratimi i rishikimit të buxhetit për të hartuar masa të reja kundër krizës, por ato duhet të krijohen që menjëherë të drejtohen atje ku janë më të nevojshme.

Edhe pse pritej që rishikimi të miratohet deri në fund të qershorit, kjo nuk ndodhi pasi u shty debati rreth amendamenteve. Enti i Statistikave për muajin e kaluar njoftoi për inflacion më të lartë të matur ndonjëherë në vend në baza mujore. Për një vit, më shumë u rritën çmimet e karburanteve, vajit të gatimit, bukës dhe produkteve të qumështit./

Lajme të ngjashme

Leave a Reply

Your email address will not be published. Required fields are marked *

Back to top button