An Linde: Mbështetje nga Suedia për hapje sa më të shpejtë të negociatave për inkuadrim të RMV-së me BE-në

F. I. 23:09, 02-07-2022

Ministrja e Punëve të Jashtme e Suedisë, An Linde thotë se vendi i saj mbështet hapje sa më të shpejtë të negociatave për inkuadrim të Republikës së Maqedonisë së Veriut me BE-në, njofton Portalb.

Ajo konsideron se është mirë që në vend në vijim janë konsultime të gjera rreth kësaj çështjeje.

Sweden ?? supports opening North Macedonia’s ?? EU ?? accession talks as soon as possible. Welcome that there are now ongoing broad consultations in North Macedonia on a way forward. @Bujar_O

— Ann Linde (@AnnLinde) July 2, 2022

“Suedia e mbështet hapjen e negociatave për inkuadrim të Maqedonisë së Veriut me BE-në sa më shpejtë që është e mundur. Për t’u përshëndetur janë konsultimet e gjera të cilat po zhvillohen në Maqedoninë e Veriut për vazhvim përpara”, thotë ajo.

Qeveria e Republikës së Maqedonisë së Veriut pas takimit të mbajtur me partnerët e koalicionit, në formë integrale në ueb-faqen e saj e ka publikuar propozimin nga presidenca franceze për tejkalimin e çështjeve mes RMV-së dhe Bullgarisë, me qëllim që t’i hapet rrugë fillimit të bisedimeve me Bashkimin Evropian. Kryeministri Dimitar Kovaçevski, këtë propozim e ka vlerësuar si më të favorshëm se sa parapraku, të cilin e refuzoi në Bruksel.

Ndryshe, së fundmi në Bullgari, ra Qeveria e kryeministrit Kiril Petkovit, çka rëndoi edhe më tej krizën politike në Bullgari. Në Samitin e BE-së, Bullgaria nuk e kishte hequr veton, pasi parlamenti duhej të miratonte propozimin francez dhe për rrjedhojë edhe të hiqte veton. Por pas Samitit, gjegjësisht më 24 qershor të këtij viti propozimi i Macronit kaloi në Parlamentin bullgar, që nënkuptonte heqjen e vetos nga Bullgaria ndaj Maqedonisë së Veriut, por njëkohësisht edhe heqjen e pengesës për Shqipërinë për vijimin e mëtejshëm të procesit integrues në BE.