Mickoski ka një kërkesë për Qeverinë pas konferencës së Kovaçevskit
Kryetari i VMRO-DPMNE-së, Hristijan Mickoski, ka komentuar propozimin francez për zgjidhjen e problemit ndërmjet Maqedonisë së Veriut dhe Bullgarisë, duke vlerësuar se ky propozim shumë pak dallon prej të kaluarit, transmeton Portalb.mk.
“VMRO-DPMNE, për çfarëdo çmimi, asnjëherë nuk do të pranojë zgjidhje që është e dëmshme për popullin dhe ardhmërinë maqedonase. Mund të njoftojmë që në bazë të informatave tona, janë vetëm dy fjalë të ndryshuara nga propozimi i kaluar”, deklaroi Mickoski.
Ai kërkoi nga Qeveria e Maqedonisë së Veriut të publikojë në ueb-faqen e saj propozimin francez.
“Kërkesat bullgare janë pjesë e propozimit të modifikuar. Kjo është një disfatë.”, deklaroi Mickoski.
Ndryshe, kryeministri i Maqedonisë së Veriut, Dimitar Kovaçevski, ka komentuar propozimin francez për zhbllokimin e procesit eurointegrues, përmes së cilës hapet rruga për zgjidhjen e problemit ndërmjet Maqedonisë së Veriut dhe Bullgarisë.
“Qëndrimi zyrtar do të publikohet, pasi propozimi do t’i kalojë të gjitha filtrat e institucioneve të prekura, do të pasojë një konsultim i gjerë me koalicionin qeveritar, pastaj me Presidentin, me Kuvendin, me opozitën, si dhe me sektorin joqeveritar dhe ekspertët në vend”, premtoi Kovaçevski.
Ai ka sqaruar që do të anulojë organizimin e protestave për krizën ekonomike, për shkak përqendrimit në zgjidhjen e problemit me Bullgarinë.
Ndryshe, Qeveria e Republikës së Maqedonisë së Veriut njofton se përmes Ministrisë së Punëve të Jashtme, ka pranuar propozimin nga Presidenca Franceze me ide që i referohen qëndrimeve dhe pozitave të vendit.
“Unë mendoj se kemi gjetur kompromis për mosmarrëveshjen midis Bullgarisë dhe Maqedonisë së Veriut mbi Kornizën e Negociatave të BE-së,” tha Macron.
Parlamenti bullgar e miratoi rezolutën që miraton heqjen e vetos për fillimin e negociatave të pranimit të Maqedonisë së Veriut në BE. Propozimi kaloi me 170 vota pro, 37 kundër dhe 21 abstenime.
Edi Rama pas këtij propozimi, ka kërkuar nga politikanët e Maqedonisë së Veriut të pranojnë mundësinë, me çka do të zhbllokohet rruga eurointegruese e dy vendeve.
- LEXO: Kryeministri Kovaçevski premtoi që vendimi për propozimin francez do të merret së bashku
- LEXO: Propozimi i modifikuar francez është shumë më i mirë se i kaluari, vlerësoi Pendarovski
- LEXO: Makron: Është gjetur kompromis për kornizën negociuese të Maqedonisë së Veriut
- LEXO: Edi Rama ka një kërkesë për shqiptaret dhe maqedonasit e Maqedonisë së Veriut
- LEXO: Petkov: Shkupi tani ka një zgjedhje për të ardhmen e tij, Bullgaria nuk mund të jetë përgjegjëse për të gjithë
- LEXO: RMV, MPJ dënoi gjuhën e urrejtjes në Kuvendin Popullor të Bullgarisë
- LEXO: MPJ bullgare për vendimin e Parlamentit: Radhën e ka vendi ynë fqinj për të treguar përkushtim dhe dëshirë për të ardhmen evropiane për të dhe rajonin
- LEXO: Mariçiq: Kemi shumë aleatë që e kuptojnë pozicionin tonë në raport me Bullgarinë
- LEXO: Macron dhe Michel pas samitit të BE-së: Negociatat mes Maqedonisë së Veriut dhe Bullgarisë vazhdojnë këto ditë
- LEXO: Samiti ndërmjet Bashkimit Evropian dhe Ballkanit Perëndimor “dështim i plotë”, vlerësoi Von Cramon
- LEXO: Të mbahet Konferenca e Parë Ndërqeveritare me Shqipërinë dhe Maqedoninë e Veriut, kërkoi Varhelyi
- LEXO: Sofja miratoi propozimin francez, Shkupi e refuzoi
- LEXO: Osmani pret nga Franca të japë propozim përfundimtar, tre çështje janë kyçe nëse Qeveria do t’i pranojë
- LEXO: Parlamenti bullgar miratoi heqjen e vetos, pritet që kryeministri Petkov të marrë vendimin qeveritar