Me ndeshjen ndërmjet ekipit Euro Star dhe Fissi Dizhon mbaroi turneu tradicional në Shkup (FOTO)
Me 12 qershor filloi sivjet në Shkup turneu tradicional “Teli, Arbeni, Abazi, Ademi, Pajtimi, Ndriçimi dhe Hajredini”, ndërsa mbaroi sonte me ndeshjen ndërmjet Euro Star dhe Fissi Dizhon, transmeton Portalb.mk.
Dashamirët e futbollit në orët e mbrëmjes kanë pasur mundësi në Çair të ndjekin dy ndeshje interesante në futbollin e vogël.
Pjesa e parë e ndeshjes finale Euro Star – Fissi Dizhon mbaroi me barazim, 1-1. Të parët shënuan Fissi Dizhon.
Në pjesën e dytë Fissi Dizhon përsëri kaloi në epërsi. Në momentet e fundit shënoi portieri nga Fissi Dizhon, Shefi Berisha, për rezultatin përfundimtar, 3-1.
Me këtë rezultat, Fissi Dizhon arriti të shpallet fituesi i turneut për vitin 2022.
Sonte ekipi i Juventus Seravës është përballur me ekipin e Restaurant Fontanës – Saraj për pozitën e tretë. Me rezultat 4-3 arriti të fitojë ekipi i Juventus Seravës.
