Prej në mëngjes deri në mbrëmje nesër në Shkup do të këtë aktivitete të festivalit “Hapësira të reja 2022”

Qyteti i Shkupit ka shpalosur aktivitetet e festivalit “Hapësira të reja 2022”, aktivitete që do të zhvillohen në dy pjesë dhe në dy lokacione të Shkupit, transmeton Portalb.mk.

“Programi i festivalit këtë vit është ndarë në dy pjesë dhe në dy lokacione – pjesa e parë është në shëtitore deri në hyrjen e anijes “Sinegalija”, nga ana e QTQ-së dhe aty do të jenë segmentet “Hapja”, “Hapësira të reja poetike”, “Vallëzim në breg”, “Moment poetik botëror” dhe “Pikturojmë në breg”, ndërsa pjesa e dytë do të përfshijë koncertin me segmentet “Ritëm i ri” dhe “Mikrofon i hapur” që do të mbahet në shkallët e Urës së Gurit, te spiranca”, njoftoi Qyteti i Shkupit.

Aktivitetet do të zhvillohen nga ora 09:30 deri në ora 21:00 në bregun e lumit Vardar, por në rast se do të bie shi, aktivitetet do të zhvillohen në korridorin e Qendrës Tregtare të Qytetit.

“Ekspozita е shitjeve do të vendoset në mëngjes, ndërsa piktorët do të krijojnë gjatë gjithë kohës së programit. Ideja është që e gjithë ngjarja të jetë një instilacion i madh artistik i përbashkët”, raporton Qyteti.