Presidenti Pendarovski foli në Forumin e Prespës për Dialog

Presidenti Stevo Pendarovski sonte mori fjalën në sesionin zyrtar hyrës të nivelit të lartë “Çka pas luftës në Ukrainë?” në Forumin Prespës për Dialog, i cili para pjesëmarrësve të forumit, tha se projekti i papërfunduar evropian ka pasoja të sigurisë për rajonin dhe më gjerë, transmeton Portalb.mk.

“Tashmë është ngrirë mendimi se politika e zgjerimit është politika më e suksesshme e BE-së, sepse shtetet anëtare të BE-së me vite thonë se dëshirojnë fillimisht thellimin e BE-së, e pastaj zgjerimin e saj”, tha presidenti Pendarovski.

Në këtë kontekst, presidenti Pendarovski theksoi se integrimi i papërfunduar i Ballkanit Perëndimor lidhet me veprimet e Rusisë, kërcënimet hibride dhe lajmet e rreme dhe përkujtoi se vendi ynë është një nga vendet në rajon që ka dëbuar disa diplomatë rusë në vitin e fundit.

Sipas tij, Rusia nuk është e mundur të shihet brenda kufijve demokratikë të Evropës pa ose me luftën në Ukrainë, e aq më tepër për shkak të luftës në Ukrainë.

Duke theksuar se mbështetja për anëtarësimin në Bashkimin Evropian ka rënë në mënyrë drastike në vitet e fundit, presidenti Pendarovski bëri thirrje për një perspektivë të qartë për vendet e rajonit për anëtarësim në Bashkimin Evropian.

“Brukseli duhet të dalë përpara dhe të na thotë drejtpërdrejt – ky është plani ynë për ju, ne jemi vërtet serioz në synimet tona për të integruar Ballkanin Perëndimor në aspektin ekonomik, politik dhe të tjera. Përndryshe, gjithnjë e më shumë njerëz do të bëhen skeptikë për projektin evropian dhe regjimet autokratike do të forcohen në rajon”, tha presidenti Pendarovski në fjalimin e tij, duke kujtuar se rajoni po përballet me një katastrofë demografike duke pritur përparimin në procesin e integrimit evropian. .

Në seancën hyrëse  moren fjalën edhe presidenti i Sllovenisë, Borut Pahor, e Kosovës, Vjosa Osmani, i Malit të Zi, Milo Gjukanoviç dhe i Kroacisë, Zoran Milanoviç, ndërsa presidenti i Ukrainës, Volodymyr Zelenski, përmes video-lidhjes iu drejtua të pranishmëve.

Ndryshe Forumi i Prespës po mbahet nga 16 deri më 18 qershor në Ohër.

LEXO: Mishel në takim me krerët e RMV-së: Integrimi i Ballkanit Perëndimor në BE çështje me prioriet të lartë

LEXO: Kryesuesi i OSBE-së dhe presidenti slloven në “Forumin e Prespës”: Diskutim për ngjarjet e sigurisë dhe eurointegrimet

LEXO: Zelensky foli në Forumin e Prespës

Lajme të ngjashme

Leave a Reply

Your email address will not be published. Required fields are marked *

Back to top button