RMV, këtë javë mot i paqëndrueshëm me reshje shiu, bubullima dhe erë të fortë

Këtë javë do të mbizotërojë mot i ndryshueshëm i vranët dhe i paqëndrueshëm, në shumë vende me reshje të rrëmbyeshme dhe bubullima, njofton Drejtoria për Punë Hidrometeorologjike (DPH). Lokalisht proceset do të jenë në formë stuhie me reshje të dendura shiu, rrufe, erëra të forta dhe breshër, transmeton Portalb.mk.

Sipas DPH temperatura ditore do të jetë në rënie deri të premten.

Edhe në Shkup do të ketë mot të paqëndrueshëm, përveç ditës së nesërme, me reshje të rrëmbyeshme, bubullima dhe erë të fortë.