Bastisje në disa objekte hotelierike në Shkup, janë arrestuar 14 persona
Nëpunës policorë të Ministrisë së Punëve të Brendshme gjatë kontrolleve të kryera nëpër objekte hotelierike kanë arrestuar 14 persona tek të cilët është gjetur substancë pluhur i bardhë, substancë pluhur kafe, marihuanë, njofton Portalb.
“Nga data 02 deri më 04 qershor 2022, në kuadër të aktiviteteve të intensifikuara të Ministrisë së Brendshme për parandalimin e trafikut të paligjshëm të lëndëve narkotike dhe krimeve të tjera, punonjësit e policisë nga Departamenti i Policisë Kriminale – Sektori për trafikim të paligjshëm të drogave, armëve dhe substancave të rrezikshme, Departamenti për Shuarje për krime të organizuara dhe të rënda, SPB Shkup- Njësiti për Trafikim ilegale me Droga, Njësia Speciale Antiterroriste Tigar dhe Njësia për Qentë Shërbimit në koordinim me Drejtorinë e të Ardhurave Publike kanë kryer kontrolle në objektet hotelierike në zonën e Shkupit, ku janë legjitimuar 150 persona, kurse 14 prej tyre janë arrestuar tek të cilët është gjetur substancë pluhur i bardhë, substancë pluhur kafe, marihuanë, ekstazi …). Të ndaluarit janë JT, D.Sh., F.I., SM, LP, B.A., SL, F.J., LJP, F.S., О.Ј, Т.G., N.B., H.G”, njoftojnë nga MPB-ja.
Siç informojnë nga MPB-ja, në kuadër të aksionit në bashkëpunim me policinë rrugore u zbuluan 30 persona mes të cilëve edhe të mitur të cilët drejtonin mjetin pa patentë shofer, si dhe u konfiskua një automjet për dyshimin ishte i vjedhur. Janë kryer mbi 70 kontrolle të automjeteve.
“Në mesin e të arrestuarve është edhe F.I. (25) nga Shkupi, punonjës policie, i cili nuk ka qenë në detyrë, ndërsa gjatë kontrollit është gjetur drogë. Rasti është raportuar menjëherë në Departamentin e Kontrollit të Brendshëm, Hetimeve Penale dhe Standardeve Profesionale dhe është dërguar për procedim të mëtutjeshëm. Ministria e Brendshme vazhdon me masat dhe aktivitetet e intensifikuara për garantimin e sigurisë së qytetarëve, ndërsa punonjësit e policisë që shkelin ligjet në çfarëdo mënyre do të sanksionohen ashpër”, potencohet në kumtesën nga MPB-ja.
