Apple përgatit shumë ndryshime në softuerin e ri
Apple raportohet se është duke sjellë një seri përditësimesh tek telefonat dhe tabletët, me softuerin e ri, iOS 16 dhe iPadOS 16. Kompania pritet t’i lansojë përditësimet më 6 qershor, transmeton Koha.net.
Ndryshimet në iPhone do të përfshijnë përditësime në njoftime, mesazhe e aplikacionin e shëndetit, “Health”, sipas Bloombergut.
Njoftimet u ndryshuan vitin e shkuar duke mundësuar grumbullimin e tyre në një përmbledhje në një kohë të caktuar të ditës dhe modulin “Focus” që limiton njoftimet për një periudhë.
