Sllovenia ka qeveri të majtë-liberale, me Robert Golob si kryeministër
Parlamenti slloven mbrëmë me 54 vota “për” zgjodhi Robert Golob, liderin e Lëvizjes Liberale-Gjelbër për Liri, si kryeministër të ri të Sllovenisë në vend të Janez Janshës, shkruan Independent, transmeton Portalb.mk.
Ligjvënësit votuan 54-30 për Robert Golob, kreun e partisë Lëvizja e Lirisë, për të marrë pozicionin. Një votim i veçantë pritet në fillim të qershorit për të konfirmuar qeverinë e re të Golob.
Golob, një ish-ekzekutiv biznesi dhe një i sapoardhur në politikë, i tha parlamentit më herët të mërkurën se zgjidhja e problemeve në kujdesin shëndetësor dhe kontrolli i rritjes së çmimeve të energjisë dhe ushqimeve do të jenë prioritetet e tij.
“Një muaj më parë, votuesit e bënë të qartë se duan të jetojnë në një vend normal, ku nuk do të përballen me pasiguri të vazhdueshme se çfarë do të sjellë e nesërmja,” tha Golob, i cili drejtonte një kompani energjetike në të kaluarën.
Lëvizja e tij për Lirinë fitoi një shumicë dërrmuese të deputetëve në votimin e 24 prillit, duke mundur kryeministrin e krahut të djathtë Janez Jansha dhe Partinë e tij Demokratike Sllovene.
Partia e Golobit ka krijuar një aleancë me grupe të tjera të qendrës së majtë.
Ndryshe, Jansha është përballur me akuza se e ka kthyer vendin e vogël të Bashkimit Evropian drejt populizmit të djathtë gjatë kohës që ishte në detyrë. Ai është përballur gjithashtu me shqyrtimin e BE-së mbi akuzat për presion ndaj mediave. Jansha i ka mohuar akuzat.
