Lideri i ri i Australisë dha shenja shpresëdhënëse për ndryshimet klimatike

Lideri i ri i Australisë, Anthony Albanese, është zotuar se do t’i japë drejtim të ri shtetit sa u përket politikave për klimën. Albanese, i cili ka fituar të shtunën zgjedhjet me Partinë Laburiste, ka thënë se Australia mund të bëhet superfuqi për energji të ripërtrishme, transmeton REL.

Ai do të betohet si kryeministër të hënën, mirëpo ende nuk është e qartë nëse partia e tij do të ketë shumicën në Parlament.

Ndryshimet klimatike kanë qenë çështje e parë me shqetësim nga votuesit, pasi në tre vjetët e fundit Australia është përballur me zjarre dhe vërshime të mëdha.

Kryeministri në shkuarje, Scott Morrison e ka pranuar humbjen në zgjedhje dhe ka falënderuar votuesit për besimin e dhënë.

Numërimi i votave vazhdon ende për Parlamentin me 151 anëtarë.

Rezultatet finale nuk do të dihen për disa ditë, pasi zyrtarët zgjedhorë sapo kanë nisur numërimin e gati tre milionë votave me postë.

Lajme të ngjashme

Leave a Reply

Your email address will not be published. Required fields are marked *

Back to top button