Kryeministri bullgar e ftoi Presidentin që të diskutojnë për Maqedoninë e Veriut

Kryeministri bullgar Kiril Petkov në një video-fjalim i bëri thirrje presidentit të shtetit Rumen Radev që të mbledhë Këshillin konsultativ të sigurisë kombëtare për gjendjen e negociatave ndërmjet Bullgarisë dhe Maqedonisë së Veriut.

Siç njofton korrespondenti i MIA-s nga Sofja, Petkov tha se qeveria bullgare nuk do të bëjë asgjë pa pëlqimin e gjerë kombëtar dhe në përputhje me marrëveshjen e koalicionit të koalicionit qeverisës në vend.

Petkov tha se në Këshillin konsultativ për siguri kombëtare marrin pjesë të gjitha palët, të gjitha shërbimet dhe kabineti presidencial dhe i bëri thirrje Ministrisë së Punëve të Jashtme që të dorëzojë raport për gjendjen e negociatave ndërmjet Bullgarisë dhe Maqedonisë së Veriut. Ai bëri thirrje që raporti të diskutohet në këshillin e rregullt të koalicionit javën e ardhshme.

Kryeministri bullgar konfirmoi se qeveria nuk do të bëjë asgjë bazuar në presionin e jashtëm dhe përpara një mirëkuptimi të plotë në nivel të Këshillit të koalicionit, diskutim i thellë në Këshillin konsultativ të sigurisë kombëtare dhe qëndrim të qartë dhe afirmativ të organit më të lartë në Parlamenti bullgar.

Sipas kryeministrit Petkov, mandatin përfundimtar legjitim për temën e Maqedonisë së Veriut e ka vetëm Kuvendi kombëtar i Bullgarisë dhe, siç tha ai, ai duhet të jetë absolutisht i qartë për të gjithë shoqërinë bullgare dhe partnerët e jashtëm të vendit. 

Kujtojmë se, Maqedonia e Veriut dhe Bullgaria tensionuan raportet për shkak të kontesteve historike. Sofja zyrtare kërkon që Shkupi t’i pranojë kërkesat bullgare se gjuha maqedonase është normë e asaj bullgare dhe se kombi maqedonas është krijuar nga Josip Broz Tito.

Ky kontest ka bllokuar procesin eurointegrues të vendit, me çka Bullgaria gjatë vitit 2021 i vendosi dy herë veto Maqedonisë së Veriut, njëherë në qershor, kurse më pas, më 14 dhjetor të vitit 2021, edhe një herë e bllokoi fillimin e negociatave RMV-BE.

Edhe në vitin 2020, njëjtë vendi fqinj, i vendosi dy here veto Maqedonisë së Veriut, një herë në këshillin e ministrave të Jashtëm të BE-së si dhe në Këshillin për Punë të Përgjithshme të BE-së, duke penguar në këtë mënyrë miratimin e kornizës negociuese për fillimin e negociatave të vendit me BE-në. Për zgjidhjen e kontesteve të historisë, komisioni maqedonaso – bullgar ka mbajtur takime, po nuk kanë arritur të gjejnë zgjidhje. Palët kanë mosmarrëveshje më së shumti rreth identitetit të figurave historike të Mbretit Samoil dhe Goce Delçevit.

• LEXO: Sofja në qershor të japë pëlqimin për fillimin e negociatave me Shkupin, pret eurokomisioneri Varheji
• LEXO: Macron: Komuniteti politik evropian nuk është alternativë por plotësim i procesit të anëtarësimit në BE
• LEXO: Geer nuk tregon afate, por dëshiron që negociatat me Shkupin dhe Tiranën të nisin sa më shpejt
• LEXO: Nuk kemi kohë për të humbur, vlerësojnë Kovaçevski dhe Makron në lidhje me procesin eurointegrues
• LEXO: Qershori momenti për përcaktimin e konferencës së parë ndërqeveritare me Shqipërinë dhe Maqedoninë e Veriut, paralajmërojnë nga PE-ja
• LEXO: Osmani: Ne nuk po punojmë në asgjë të re, presim që Bullgaria të ketë qëndrim të konsoliduar se çfarë duhet bërë më tej