Sofja në qershor të japë pëlqimin për fillimin e negociatave me Shkupin, pret eurokomisioneri Varheji
Në afat prej tre javësh Sofja të pajtohet për fillimin e procesit të negociatave me Shkupin – kjo është pritshmëria e komisionerit të BE-së për zgjerimin dhe politikën e fqinjësisë Oliver Varheji pas takimit me liderët bullgarë – presidentin Rumen Radev, kryeministrin Kiril Petkov dhe ministren e jashtme bullgare Teodora Gençovska, transmeton Portalb.mk.
Pas vizitës në Bullgari, eurokomisioneri i BE-së Varhei në Twitter shkroi se pas tri javësh, përsëri do të kthehet në Sofje për të gjetur zgjidhje të pranueshme reciprokisht për hapjen e bisedimeve të pranimit me Maqedoninë e Veriut në qershor.
“Për tre javë do të kthehem në Sofje për të gjetur gjuhë të përbashkët dhe mbështetje nga Bullgaria për të filluar procesin e negociatave me Republikën e Maqedonisë së Veriut në qershor”, shkroi në Twitter komisioneri i BE-së Oliver Varhei pas takimit me kryeministrin bullgar Petkov.
After three weeks, I am back in Sofia to find common ground and support in #Bulgaria to start the negotiation process with #NorthMacedonia in June. First meeting with Prime Minister @KirilPetkov . pic.twitter.com/FkIKE0yeS4
— Oliver Varhelyi (@OliverVarhelyi) May 19, 2022
Pas takimit me presidentin bullgar Rumen Radev, eurokomisioneri Varhei në Twitter shkroi se rëndësia e stabilitetit në Ballkanin Perëndimor nuk ka çmim, ndërsa në këtë kontribut të rëndësishëm do të ketë mbajtja e konferencës së parë ndërqeveritare me Maqedoninë e Veriut dhe Shqipërinë.
“E vlerësoj dialogun e hapur me presidentin bullgar Rumen Radev. Rëndësia e të pasurit një Ballkan Perëndimor stabil dhe me prosperitet nuk ka çmim. Në këtë kontekst, një kontribut domethënës do të ishte mbajtja e konferencës së parë ndërqeveritare me Maqedoninë e Veriut dhe Shqipërinë. Duhet të punojmë për këtë së bashku”, tha Varhey në një postim në Twitter pas takimit me presidentin bullgar Rumen Radev.
Appreciate the open dialogue w/ @PresidentOfBg Radev. For ?? the importance of having a stable & prosperous neighbouring #WesternBalkans can’t be overestimated. In this context, having 1st IGC w/ ??& ?? would be a major contribution. We need to work for it together. pic.twitter.com/DLtUQoH6O4
— Oliver Varhelyi (@OliverVarhelyi) May 19, 2022
Pas takimit me shefen e diplomacisë bullgare Teodora Gençovska, komisioneri i BE-së Varhei shkroi se po punohet për zgjidhje të pranueshme reciprokisht për fillimin e negociatave me Maqedoninë e Veriut dhe Shqipërinë me mbajtjen e konferencës ndërqeveritare në qershor.
“Takim intensiv me ministren Teodora Gençovska në Sofje. Ne folëm për pasojat e drejtpërdrejta të luftës në Ukrainë për Ballkanin Perëndimor dhe më gjerë. Punojmë për zgjidhje të pranueshme reciprokisht në mënyrë që të mund të fillojmë negociatat me Maqedoninë Veriut dhe Shqipërinë me mbajtjen e konferencës ndërqeveritare në qershor”, shkroi komisioneri i BE Varhei në Twitter pas takimit me Ministren e Jashtme bullgare Gençovska.
Intensive meeting w/ Foreign Minister @TGenchovskaMFA today in Sofia. We discussed the direct consequences of the war in Ukraine on the #WesternBalkans and beyond.
We work on a mutually accepted solution so we can start the 1st IGC with ?? & ?? in June. pic.twitter.com/UvPja9JcBz— Oliver Varhelyi (@OliverVarhelyi) May 19, 2022
Kujtojmë se, Maqedonia e Veriut dhe Bullgaria tensionuan raportet për shkak të kontesteve historike. Sofja zyrtare kërkon që Shkupi t’i pranojë kërkesat bullgare se gjuha maqedonase është normë e asaj bullgare dhe se kombi maqedonas është krijuar nga Josip Broz Tito.
Ky kontest ka bllokuar procesin eurointegrues të vendit, me çka Bullgaria gjatë vitit 2021 i vendosi dy herë veto Maqedonisë së Veriut, njëherë në qershor, kurse më pas, më 14 dhjetor të vitit 2021, edhe një herë e bllokoi fillimin e negociatave RMV-BE.
Edhe në vitin 2020, njëjtë vendi fqinj, i vendosi dy here veto Maqedonisë së Veriut, një herë në këshillin e ministrave të Jashtëm të BE-së si dhe në Këshillin për Punë të Përgjithshme të BE-së, duke penguar në këtë mënyrë miratimin e kornizës negociuese për fillimin e negociatave të vendit me BE-në. Për zgjidhjen e kontesteve të historisë, komisioni maqedonaso – bullgar ka mbajtur takime, po nuk kanë arritur të gjejnë zgjidhje. Palët kanë mosmarrëveshje më së shumti rreth identitetit të figurave historike të Mbretit Samoil dhe Goce Delçevit.
- LEXO: Macron: Komuniteti politik evropian nuk është alternativë por plotësim i procesit të anëtarësimit në BE
- LEXO: Geer nuk tregon afate, por dëshiron që negociatat me Shkupin dhe Tiranën të nisin sa më shpejt
- LEXO: Nuk kemi kohë për të humbur, vlerësojnë Kovaçevski dhe Makron në lidhje me procesin eurointegrues
- LEXO: Qershori momenti për përcaktimin e konferencës së parë ndërqeveritare me Shqipërinë dhe Maqedoninë e Veriut, paralajmërojnë nga PE-ja
- LEXO: Osmani: Ne nuk po punojmë në asgjë të re, presim që Bullgaria të ketë qëndrim të konsoliduar se çfarë duhet bërë më tej