Qyteti i Shkupit mbeti pa printera, kompania që i jepte me qira sot i ngarkoi në kamionë
Qyteti i Shkupit sot ka mbetur pa printerët që merr me qira, pasi kompania “Intek Sistemi” me të cilën është nënshkruar kontratë trevjeçare ka ardhur me kamionë dhe ka marrë shumicën e printerëve, pasi kryetarja aktuale e ka ndërprerë kontratën, mëson jozyrtarisht “Fokus”.
“Pamja është shumë e sikletshme. Njëzet persona u sollën nga kompania, i nxjerrin nga baraka dhe i bartin”, pohojnë për “Fokus”, burime nga Qyteti i Shkupit.
Problem i madh lind me faktin që kontrata është shkëputur, ndërsa tenderi i ri nuk ka përfunduar ende.
Sipas marrëveshjes së publikuar nga Byroja e Prokurimit Publik, bëhet fjalë për kontratë trevjeçare për dhënien me qira të printerëve multifunksionalë me vlerë gati 87 mijë euro.
“Fokus” i ka dërguar disa pyetje Qytetit të Shkupit, prej nga nuk ka arritur asnjë reagim deri në publikimin e informacionit.