Borrell: Mos fillimi i negociatave me Maqedoninë dhe Shqipërinë është dhuratë për Putinin
Mosfillimi i negociatave me Maqedoninë e Veriut dhe Shqipërinë është dhuratë për Putinin, tha Përfaqësuesi i Lartë për Sigurinë dhe Punët e Jashtme Josep Borrell pas përfundimit të Këshillit të Ministrave të Jashtëm të BE-së, ku ishin përfshiheshirë diplomatët e parë nga Ballkani Perëndimor, transmeton Portalb.mk.
Sipas Borrellit, negociatat me Shkupin dhe Tiranën duhet të fillojnë menjëherë, para përfundimit të presidencës franceze, e cila përfundon në fund të qershorit.
Borrell konsideron se situata aktuale është e dëmshme jo vetëm për të dy vendet, por edhe për BE-në në tërësi.
“Këshilli Evropian do të vazhdojë të bëjë presion të fortë për tejkalimin e çështjeve të hapura ndërmjet Sofjes dhe Shkupit dhe heqjen e vetos bullgare. Nëse kjo nuk ndodh para përfundimit të presidencës franceze, do të ketë krizë në marrëdhëniet BE-Ballkani Perëndimor”, tha Borrell.
Qëndrimi i Bullgarisë mbetet i pandryshuar, tha në Bruksel Ministrja e Jashtme bullgare Teodora Gençovska.
Sipas saj, për Shkupin nuk është e mjaftueshme që të ndryshojë vetëm Kushtetutën.
Kujtojmë se, Maqedonia e Veriut dhe Bullgaria tensionuan raportet për shkak të kontesteve historike. Sofja zyrtare kërkon që Shkupi t’i pranojë kërkesat bullgare se gjuha maqedonase është normë e asaj bullgare dhe se kombi maqedonas është krijuar nga Josip Broz Tito.
Ky kontest ka bllokuar procesin eurointegrues të vendit, me çka Bullgaria gjatë vitit 2021 i vendosi dy herë veto Maqedonisë së Veriut, njëherë në qershor, kurse më pas, më 14 dhjetor të vitit 2021, edhe një herë e bllokoi fillimin e negociatave RMV-BE.
Edhe në vitin 2020, njëjtë vendi fqinj, i vendosi dy here veto Maqedonisë së Veriut, një herë në këshillin e ministrave të Jashtëm të BE-së si dhe në Këshillin për Punë të Përgjithshme të BE-së, duke penguar në këtë mënyrë miratimin e kornizës negociuese për fillimin e negociatave të vendit me BE-në. Për zgjidhjen e kontesteve të historisë, komisioni maqedonaso – bullgar ka mbajtur takime, po nuk kanë arritur të gjejnë zgjidhje. Palët kanë mosmarrëveshje më së shumti rreth identitetit të figurave historike të Mbretit Samoil dhe Goce Delçevit.
- LEXO: Ministrat e BE-së diskutuan për Ballkanin Perëndimor
- LEXO: Takimi Kovaçevski – Borrell: Nevojitet zgjidhje evropiane për mosmarrëveshjen dhe zhbllokimin e negociatave
- LEXO: E ardhmja e Ballkanit Perëndimor është brenda BE-së, vlerësoi Borrell
- LEXO: Radev i përgjigjet Maqedonisë së Veriut: Ultimatumi ndaj Bullgarisë është jo i dobishëm
- LEXO: Macron propozoi një ide për vendet që synojnë integrimin në BE, preket edhe Shqipëria