U ndanë çmimet Pulitzer, fitues ndër të tjerë Washington Post dhe Reuters
Washington Post fitoi Çmimin Pulitzer për Shërbimin Publik për raportimin mbi rrethimin e Kapitolit të SHBA-së të hënën, ndërsa Reuters fitoi në kategorinë e fotove të reportazhit për raportimin mbi pandeminë e virusit korona në Indi, transmeton Portalb.mk.
Gazetarët ukrainas kanë marrë një vlerësim të veçantë për mbulimin e pushtimit rus, tha menaxherja e çmimit Pulitzer, Marjorie Miller.
Sipas saj, çmimi i këtij viti për Raportimin me interes publik iu nda Washington Post për përshkrimin bindës për sulmin në Uashington më 6 janar 2021, i cili i mundësoi publikut “të kuptojë plotësisht dhe në mënyrë të palëkundur një nga ditët më të errëta të vendit”.
Për sa i përket fotografisë, një ekip fotografësh të Reuters fituan çmimin Pulitzer për fotografinë shoqëruese për të mbuluar pandeminë e koronavirusit në Indi.
“Miami Herald” fitoi çmimin e lajmit goditës për raportimin mbi shembjen e një ndërtese të lartë në Nju Jork që vrau 98 njerëz.
New York Times fitoi tre çmime Pulitzer për raportim, ndërsa reporterja e saj, Andrea Elliot, fitoi një çmim Pulitzer në kategorinë e përgjithshme jo-fiction për librin e saj “Fëmija i padukshëm: Varfëria, Mbijetesa dhe Shpresa në qytetin amerikan, i cili filloi me një seri shkrimesh në vitin 2013 në gazetë.
Çmimi Pulitzer jepet nga Universiteti Columbia në Nju Jork, dhe secili fitues merr një diplomë dhe çmim prej 10.000 dollarësh.
Çmimi u krijua nga Joseph Pulitzer, gazetar dhe botues hungarezo-amerikan i cili, pas vdekjes së tij në vitin 1911, la të gjithë pronën e tij në Universitetin e Kolumbias.
Çmimi i parë Pulitzer u dha më 4 qershor 1917 dhe është dhënë tradicionalisht çdo prill.
