U shit fanella e Diego Armando Maradonës nga ndeshja
Bluza e veshur nga Diego Maradona në golin ikonik “Dora e Zotit” është shitur në ankandin e Londrës për miliona Paund. Oferta e vetme prej 4 milionë Funtesh u mor në ditën e parë të ankandit në internet, raporton Klan.
Origjinaliteti i saj është vënë në diskutim nga familjarët e Maradonës, me vajzën e tij që pretendon se nuk është fanella e përdorur në duelin kundër Anglisë. Mesfushori i Anglisë, Steve Hodge, mori fanellën e Maradonës pas ndeshjes dhe e nxori në ankand pas 19 vitesh ekspozuar në Muzeun Kombëtar të Futbollit të Anglisë.
Që pas vdekjes nga arresti kardiak në Nëntor 2020, familja e Maradonës është përfshirë në një sërë skandalesh dhe betejash gjyqësore në lidhje me trashëgiminë e tij. Ish-sulmuesi i Napolit dhe Boca Juniors konsiderohet si një nga futbollistët më të mëdhenj të të gjitha kohërave dhe është një hero për miliona njerëz në mbarë botën, veçanërisht në Argjentinë.