fbpx

Putini ishte i pranishëm në liturgjinë e Pashkëve të këtij viti në Moskë

Një fotograf i “Associated Press” fotografoi Putinin në shërbimin e Pashkëve në Moskë. Fotot tregojnë se pretendimet se presidenti rus nuk ishte i pranishëm në liturgjinë e Pashkëve në Kishën e Krishtit Shpëtimtar në Moskë dhe se pamjet nga media shtetërore ruse janë ose të vjetra ose të regjistruara më parë janë të pavërteta. Media të tjera me reputacion, si Reuters dhe AFP, publikuan gjithashtu foto të liturgjisë, ku Putini shfaqet pranë kryebashkiakut të Moskës. AFP gjithashtu publikoi pamjet që tregojnë qartë Putinin në liturgji me anëtarët e klerit dhe besimtarët, shkruan Vërtetmatësi.

Recensojmë një postim të publikuar në rrjetin social Facebook, në të cilin është shpërndarë një artikull mediatik për presidentin e Rusisë, Vladimir Putin. Artikulli i referohet mungesës së Putinit nga liturgjia e Pashkëve në Katedralen e Krishtit Shpëtimtar. Titulli i tekstit thotë:

Video Zbulohet propaganda e çuditshme e Kremlinit: Putin nuk mori pjesë në liturgji.

Në artikull thuhet se Moska zyrtare konfirmoi se Putini ishte shfaqur në liturgjinë e mesnatës së Pashkëve në Katedralen e Krishtit Shpëtimtar në kryeqytetin rus.

Megjithatë, më tej në tekst ky pretendim mohohet dhe thuhet se në rrjetet sociale po qarkullojnë video ku pretendohet se “është ekspozuar truku i fundit propagandistik i çuditshëm i Kremlinit”.

Sipas regjistrimeve, Putini ose nuk ka qenë fare në liturgji ose ka qëndruar mënjanë gjatë shërbesës, tërësisht i izoluar nga të gjithë, në një vend dhjetëra metra larg besimtarëve të tjerë dhe më e rëndësishmja, larg vendit ku shfaqet në videon zyrtare.

Në videon e parë, zyrtare të medias shtetërore të Moskës, Putini shihet qartë në pamjet e liturgjisë, por një sy i kujdesshëm do të vërejë se çdo herë ai është në kornizë ekskluzivisht ose vetëm, ose në shoqërinë e kryebashkiakut të Moskës Sergei Sobjanin. Në një moment Putini mund të shihet qartë duke qëndruar me një qiri në duar, para një piedestali me një kurorë dhe duke u pagëzuar.

Megjithatë, në kuadrin tjetër të videos zyrtare, ku shfaqet vetë shërbimi, ndërsa kamera kap patriarkun Kirill duke kryer ritin, në sfond është vendi ku qëndron Putin në kuadrin e mëparshëm – përballë piedestalit me kurorën – por presidenti rus nuk shihet askund! Edhe Sobjanin është në vend të tij në kuadrin e mëparshëm, por nuk ka asnjë gjurmë apo zë nga Putini.

Dhe për fund, vijon video e tretë që tregon hapësirën e gjithë kishës dhe që gjoja ekspozon plotësisht konspiracionin e Kremlinit! Ajo tregon qartë Putinin dhe Sobjanin duke qëndruar në të njëjtat vende ku i tregoi Kremlini zyrtar – përballë piedestalit me kurorë, dhe në një moment duket qartë se nuk ka fare njerëz rreth tyre. Me përjashtim të dy rojeve të sigurisë që qëndrojnë në distancë, në sfond shihen vetëm njerëzit ose duke pritur për fillimin e liturgjisë ose janë emëruar për statistathuhet në artikull i shoqëruar nga video në rrjetin social Twitter.

Megjithatë, gazetarët që kontrollojnë faktet në “Associated Press” mohojnë informacione të tilla të pakonfirmuara dhe të pavërteta se Putin dyshohet se është filmuar më herët dhe nuk ka marrë pjesë në liturgjinë e mesnatës së Pashkëve. Video dhe pretendime të tilla u shfaqën në disa rrjete sociale në mbarë botën, ndërsa u transmetuan edhe në vend.

Një fotograf i “Associated Press”, ishte në shërbimin e Pashkëve në Moskë dhe fotografoi Putinin në këtë ngjarje. Akuzat se ai nuk ishte në liturgjinë e Pashkëve në Kishën “Krishti Shpëtimtar” në Moskë janë shpërndarë gjerësisht në mediat sociale, me disa përdorues që pretendojnë se pamjet e medias shtetërore ruse janë ose të vjetra ose të regjistruara më parë. Por fotot tregojnë se këto pretendime nuk janë të vërteta dhe se Putin ishte pjesë e shërbimit të Pashkëve në Moskë të dielën. Një fotograf i Associated Press fotografoi Putinin në shërbim më 24 prill, shkruan “Associated Press”.

Fotografitë e realizuara nga fotografi i tyre mund të gjenden në këtë link.

Edhe media të tjera me reputacion, si “Reuters” dhe “France Press“, gjithashtu publikuan foto të liturgjisë, ku Putini shfaqet pranë kryebashkiakut të Moskës. “AFP” publikoi gjithashtu pamje që tregonin qartë Putinin në liturgji me anëtarët e klerit dhe besimtarët.

Edhe në vitet e mëparshme, Putin është filmuar në shërbime të ngjashme të Pashkëve. Në vitin 20212019 dhe 2018, ai është i veshur në mënyrë të ngjashme dhe qëndron në të njëjtën pjesë të kishës së shërbimit çdo vit. Por një krahasim i fotove të 2022 dhe 2021 tregon se ka dallime, gjegjësisht se Putini ka veshur një kravatë më të errët këtë vit dhe qiri ka një pjesë mbrojtëse për të pikuar dyllin.

Për të gjitha faktet e mësipërme, konsiderojmë se nuk është e vërtetë që Putini këtë vit nuk mori pjesë në liturgjinë e Pashkëve.

Lajme të ngjashme

Leave a Reply

Your email address will not be published. Required fields are marked *

Back to top button