RMV, anëtarët e SASHK-ut kërkuan që Nedellkov të sqarojë pezullimin e grevës
Anëtarët e pakënaqur të Sindikatës për Arsim, Shkencë dhe Kulturë sot pasdite para selisë së sindikatës kërkuan që kryetari i SASHKU-ut, Jakim Nedellkov t’ju drejtohet dhe t’i shpjegojë arsyet e ndërprerjes së grevës, njofton Portalb.
“Sot replikon pa dijeninë e anëtarësisë dhe merret vendim për të cilin anëtarësia nuk është e informuar. Jemi këtu për të shprehur revoltën tonë. Ne jemi baza, ne jemi anëtarësia dhe Nedellkovi është i obliguar të vijë dhe të shpjegojë pse e ka ndryshuar vendimin”, thonë anëtarë e tubuar të SASHK-ut, të cilët kërkojnë dorëheqjen e Nedellkovit.
Theksojnë se kanë ardhur në mënyrë spontane dhe se ndjehen të mashtruar nga kryetari i sindikatës. Ata thonë se për ta nuk kanë rëndësi përqindjet e rritjes së pagave, por marrëveshjet kolektive.
“Një pjesë e madhe e anëtarëve do të vazhdojnë të kërkojnë të drejtat e tyre. Ne nuk na interesojnë ato 18 për qind. Gjëja e parë për të cilën hymë në grevë është marrëveshja kolektive”, thonë ata.
Të pyetur nëse do të ketë mësim nesër, ata thonë se ata fëmijë që do të vijnë në shkollë nuk do të kthehen.
“Të gjithë ata që do të vijnë nesër në shkollë, do të pranohen. Ne do të jemi në shkollë, nëse vijnë fëmijët do t’i presim. Nëse ka nevojë edhe do të mbajmë mësim”, thanë disa nga mësimdhënësit të cilët janë mbledhur para selisë së SASHK-ut pasditen e sotme.
Sindikata e SASHK-ut sot e ka vendosur grevën në pezullim pasi ka marrë njoftim nga Ministria e Punës dhe Politikës Sociale se Ministria e Arsimit dhe Shkencës është e gatshme përmes zgjidhjes paqësore të kontestit t’i tejkalojë divergjencat me SASHK-un.
- LEXO: RMV, Ministria e Arsimit reagoi pas vendimit të fundit të Sindikatës
- LEXO: RMV, u pezullua greva, Sindikata pranoi të bisedojë me qeverinë dhe të vazhdojë procesi i rregullt arsimor
- LEXO: SASHK vazhdon me grevën, MASh-i prej sot do të mbledhë të dhëna se sa mësimdhënës janë kthyer në punë dhe çfarë më tej
- LEXO: Qeveria arriti marrëveshje me SASHK-un për rritje të rrogave në arsim për 12%, të mërkurën pritet të kthehen nxënësit në shkolla
- LEXO: Mësimdhënësit e refuzuan ofertën e Qeverisë së Maqedonisë së Veriut, vendimin për rrogën e vlerësuan si presion
- LEXO: RMV, nxënësit edhe sot nuk mbajnë mësim, grevistët refuzuan rritjen e pagave për 2500 denarë
- LEXO: SASHK filloi sot grevën në çerdhe dhe shkolla
- LEXO: Këto janë kërkesat e Sindikatës drejtuar Qeverisë së Maqedonisë së Veriut para se të fillojë greva
- LEXO: RMV, SASHK-u solli vendim për grevë të përgjithshme në kopshtet e fëmijëve, shkollat e mesme dhe fillore nga 11 prilli
- LEXO: Deri në mes të muajit mars do të ketë rritje të pagave në Maqedoninë e Veriut përmes Marrëveshjes Kolektive, besojnë nga sindikata
- LEXO: Radikalizim të masave nëse nuk do të rriten pagat në Maqedoninë e Veriut, paralajmëroi Sindikata