RMV, Komisioni për Sëmundje Infektive rekomandoi të shfuqizohen të gjitha masat anti-kovid

Komisioni për Sëmundje Infektive në mbledhjen e sotme rekomandoi që të shfuqizohen të gjitha masat restriktive për parandalimin e COVID-19, përveç mbajtjes së obligueshme të maskës në institucionet shëndetësore, barnatore, transport publik dhe shtëpi për persona të moshuar, njofton Portalb.mk.

Njëkohësisht, ashtu siç theksojnë nga Ministria e Shëndetësisë, Komisioni apelon deri te qytetarët që t’i respektojnë rekomandimet për mbrojtje personale dhe higjienë, ashtu siç janë pastrimi i duarve, dezinfektimi dhe mbajtja e distancës.

Nga Komisioni rikujtojnë se vaksinimi edhe më tej mbetet masa më e mirë dhe më efikase për mbrojtje të shëndetit të popullsisë. Komisioni për Sëmundje Infektive, siç thekson, në bazë ditore do ta ndjek gjendjen me COVID-19 dhe sipas nevojës, do të rekomandohen masa.

Qeveria më 19 prill e ka miratuar rekomandimin e Komisionit për shfuqizimin e obligimit për posedim të certifikatës së vaksinës ose kalimit të COVID-19 për të gjithë shtetasit e brendshëm dhe të huaj për hyrje në shtetin tonë. Gjithashtu, shfuqizohet edhe obligimi për posedimin e testeve negative PCR dhe antigjen gjatë hyrjes në RMV.