fbpx

Është rritur çmimi i gazit në Evropë pasi Rusia ndërpreu furnizimin për Poloninë dhe Bullgarinë

Çmimi i gazit natyror për megavat-orë në Evropë u rrit me rreth 13.4 për qind pasi kompania ruse e energjisë “Gazprom” njoftoi Poloninë dhe Bullgarinë se do të ndalonte furnizimin me gaz për të dy vendet nga sot, transmeton Anadolu Agency (AA).

Në tregtimin e hershëm në pikën virtuale të tregtimit të gazit natyror me bazë në Holandë (TTF), çmimi për megavat-orë në Evropë u rrit në 117 euro (124,20 dollarë) sot në orën 09:28 sipas kohës lokale nga 103,20 euro (109,60 dollarë) të martën sa ishte në mbyllje.

Kompania shtetërore polake e gazit PGNiG tha në një deklaratë se “Gazprom” informoi kompaninë se të gjitha dërgesat e gazit do të ndaleshin nga ora 08:00.

Ministria e Energjisë e Bullgarisë konfirmoi në mënyrë të ngjashme se “Gazprom” po ndalon furnizimet në vend.

“Pala bullgare ka përmbushur plotësisht detyrimet e saj dhe ka bërë të gjitha pagesat e kërkuara nga kjo marrëveshje në kohën e duhur, në mënyrë rigoroze dhe në përputhje me klauzolat e saj”, tha ministria.

“Gazprom” njoftoi zyrtarisht blerësit e saj më 1 prill për kushtet e reja të pagesës për gazin rus, duke përcaktuar se dërgesat e kryera nga ajo datë duhet të paguhen në rubla.

Lajme të ngjashme

Leave a Reply

Your email address will not be published. Required fields are marked *

Back to top button