RMV, Shtabi i krizave pranoi propozimin për mos-mbajtjen e maskave në ambiente të mbyllura
Shtabi i Përgjithshëm Koordinues miratoi disa konkluzione nga vendimet dhe rekomandimet e Komisionit për Sëmundjet Infektive, duke përfshirë propozimin për heqjen e detyrimit për të mos mbajtur maska në ambiente të mbyllura, me përjashtim të objekteve shëndetësore, transportit publik, farmacive dhe shtëpive të të moshuarve, njoftoi shërbimi për media i Qeverisë, transmeton Portalb.mk.
Ndër konkluzionet e miratuara janë heqja e detyrimit për mbajtjen e maskave gjatë edukimit fizik në shkollat e mesme, si dhe heqja e ndalimit të ekskursioneve dhe mësimeve në natyrë.
Konkluzionet e miratuara nga Shtabi i Përgjithshëm i Krizave, të propozuara më parë nga Komisioni për Sëmundjet Infektive, do t’i kalojnë Qeverisë dhe do të diskutohen dhe vendosen në seancën e ardhshme të qeverisë.
Në fund të marsit u zbutën disa masa kufizuese për mbrojtje nga kovid-19 në vend, pasi Qeveria miratoi lehtësimin e kufizimevepër heqjen e masës për posedim të detyrueshëm të certifikatës kovid për të vizituar ambientet e jashtme të hotelierive. Për pjesët e mbyllura, nga ana tjetër, mbeti detyrimi për certifikatën e vaksinimit apo atë që e keni kaluar kovidin. Ndërsa, lehtësim pari edhe për nxënësit e shkollave fillore, të cilëve iu hoq detyrimi për të ndjekur mësimin me maska, nëse nuk e kërkojnë me dëshirën e tyre.
