Kovaçiq shpalosi sekretin pse Modriq është kaq i mirë
Mateo Kovaçiq ka treguar arsyet e karrierës së suksesshme të Luka Modriqit përpara ndeshjes së kthimit kundër Real Madridit të martën. Mesfushori i Chelseat zbuloi se Modriq ishte idhulli i tij kur ylli aktual i Real Madridit u tregua në skuadrën e preferuar të Kovaçiqit, Dinamo Zagreb, përpara se të bashkohej me Tottenham Hotspur.
“Është mjaft e vështirë të ndalosh Modriqin”, tha Kovaçiq gjatë konferencës për shtyp të së hënës, para ndeshjes të së martës me Real Madridin, shkruan Marca, transmeton Klankosova.tv.
“Ai është një lojtar i mrekullueshëm, e kam admiruar kur kam qenë fëmijë, kur ka luajtur për klubin tim të preferuar, Dinamo e Zagrebit”.
“Ai ka qenë gjithmonë aq i mirë sa është tani. Për sa kohë që e kam njohur, ai ka mbetur në të njëjtin nivel, gjë që është e mahnitshme. Ai e do futbollin shumë. Ai është profesionist. Nëse vazhdon kështu, E shoh duke luajtur për tre ose katër vjet.
“Ishte bukur dhe e vështirë të luash kundër tij, por kurrë nuk është mirë kur humbet. Unë gjithmonë preferoj ta kem atë në ekipin tim. Në këtë moment jemi kundër njëri-tjetrit dhe jemi gati të tregojmë maksimumin nesër për të provuar për të kaluar”.
