Inteligjenca britanike paralajmëroi përdorimin e bombave fosforike nga Rusia
Britania e Madhe ka paralajmëruar se Rusia mund t’i përdor municionet fosforike në luftime ndaj Ukrainës në qytetin Mariupol, raportoi BBC-ja të hënën.
Ministria e Mbrojtjes e Britanisë deklaroi të hënën se këto municione, që janë të ndaluara të përdoren sipas ligjeve ndërkombëtare, tashmë janë aktive në rajonin e Donetskut, transmeton Koha.net.
Inteligjenca britanike tha se Rusia “po e shton më shumë rrezikun ndaj civilëve për shkak të mbështetjes në bombat e palejuara”.
Gjithashtu u tha se bombardimet po vazhdojnë në rajonet lindore, në Donetsk dhe Luhansk, por që forcat ukrainase i zmbrapsen sulmet ruse.
